Tarine musika eskolak ikasturtea agurtzeko hainbat emanaldi prestatu ditu
Eguaztenean [ekainak 11] osatu zuten lehen kontzertua eta hilaren 20an amaituko dute ikasturtea.
Tresna JaiaTarine Musika Eskola Tarine Musika Eskolak ere ikasturtea amaitzen ari da, baina ohi bezala, kontzertu txikietan agurtuko dituzte ikasleak. Hain zuzen ere, txikienek eman zioten hasiera eguaztenean [ekainak 11] egindako tresna jaiagaz. 4 eta 6 urte bitarteko ikasle gazteenen lehen kontzertua izan zen: “Urte bat daramate tresna ikasten eta lehenengo aldiz jo dute jendeaurrean ikasitakoa”. Hurrengo entzunaldiak familia eta lagunartean egingo dituzte, denak ala denak Markina-Xemeingo musika eskolako bigarren solairuan. Ekainaren 19an Berriatuko Udaberriko Soinuak kontzertuaren txanda izango da.
Egitaraua:
- Ekainak 16, 19:00etan: Biolina eta gitarra.
- Ekainak 17, 19:00etan: Pianoa.
- Ekainak 18, 17:30ean: Trikitixa eta pandero.
- Ekainak 19, 19:00etan: Kantua.
- Ekainak 20, 17:30ean: Saxofoia, gitarra eta zeharkako txirula.
