Bilatu
Sartu
  • izan HITZAKIDE
  • zozketak
  • eskaintzak
  • hemeroteka
Bilatu
  • Albisteak
    • Gaiak
      • Aisia
      • Ekonomia
      • Euskara
      • Gizartea
      • Hirigintza
      • Ingurumena
      • Jaiak
      • Kirola
      • Kultura
      • Politika
      • Udala
      • Orokorra
    • Herriak
      • Amoroto
      • Aulesti
      • Berriatua
      • Etxebarria
      • Gizaburuaga
      • Ispaster
      • Lekeitio
      • Markina-Xemein
      • Mendexa
      • Munitibar
      • Mutriku
      • Ondarroa
      • Ziortza-Bolibar
    • Generoak
      • Albisteak
      • Editorialak
      • Elkarrizketak
      • Erreportajeak
      • Iritziak
      • Kronikak
      • Publirreportajeak
  • Jolastu geugaz!
  • Agenda
  • Multimedia
    • Argazkiak
    • Bideoak
    • Hitz eta Pitz
  • Agurrak / Eskelak
    • Zorion agurrak
    • Eskelak
  • Zerbitzu gida
  • Bereziak
    • Emakumeak Lerroburura
    • Adimen A.
    • Naturan barrena
    • Euskaldunak Australian
  • Nor gara
  • Publizitatea
  • Argitalpen politika
  • Aniztasun politika
  • Pribatutasun politika
  • Cookieak
  • izan HITZAKIDE
  • zozketak
  • eskaintzak
  • hemeroteka
Sartu
Gizartea

Elkartasunaren su motelean, saretzen

Lekeitioko Caritasek urtero sukaldaritza tailerra ematen du, eta tailer soil bat ez ezik, herritarren artean harremanak sortzeko, estutzeko eta saretzeko modua ere bada. Partaideen eta boluntarioen arteko zubiak eraikiz, bertoko bizimodura egokitzen lagundu, eta bakardadeari aurre egiteko espazio bilakatzen da.

Lekeitio Argazkia: Caritas
Garaia Pagola Urriza
Lekeitio
2025/07/23

Martitzenero, Lekeitioko Ekaitz elkarteko sukaldea ez da soilik olio usainez eta kazolen hotsez betetzen. Han, historia txikiak egosten dira, elkartasunaren su motelean. Bizkaiko Caritasen ekimenez, euskal sukaldaritza tailerra martxan egon da hilabete batzuez, eta bertoko hainbat plater prestatzen ikasteaz gain, partaideen bizitzetan aldaketak ere eragin ditu. Izan ere, ez da sukaldaritza ikastaro hutsa, komunitatean errotzeko aukera ere ematen du.

Tailerrean hamar partaide eta hainbat boluntario elkartzen dira, eta lau orduz, sukaldearen inguruan aritzen dira. Sonia Costillas Caritasen Lea-Artibai eta Busturialdeko koordinatzaileak azaldu duenez, boluntarioak dira egitasmoa aurrera eroatea ahalbidetzen dutenak. Izan ere, eurek pentsatu eta prestatzen dituzte menuak, eta ez dira irakasle soilak; hitz egin eta elkar ezagutzeko espazio bihurtzen da Lekeitioko Ekaitz elkartea.

Costillasek nabarmendu bezala, sukaldaritza tailerra ez da plater tradizionalak prestatzen ikasteko espazio hutsa. Besteren artean, eguneroko gaitasun praktikoak garatu, lanerako ate berriak zabaldu, kulturen arteko trukea egin eta herriaren parte izateko aukera eskaintzen die.

Lekeitio

Argazkia: Caritas

Inma Anzola da, esaterako, boluntario beteranoetako bat: «Pandemia aurretik hasi nintzen, eta esperientzia oso polita da. Gustura etortzen naiz astero». Anzola eta Costillas bat datoz zelan lan egin behar duten erabakitzeko orduan: «Ez dugu guk errezeta egiten eta eurek begiratzen. Eurek ere egin egiten dute, hori da bilatzen duguna. Horrela ikasten dute benetan».

Anzolak, gainera, tailerraren alde praktikoaz gain, boluntarioekin sortzen den harremana balorean ipini du: «Gero kalean ikusten ditut, eta harreman berezia sortzen da. Esperientzia hau aberasgarria da, ez bakarrik partaideentzat, baita boluntarioentzat ere».

Kubatik Euskal Herrira

Eduardo Benavides da partaideetako bat. Kubatarra da Benavides, eta martxoan heldu zen Euskal Herrira. Tailerrari estimu handia dio kubatarrak: «Ez nuen uste halakorik topatuko nuenik hemen. Oso eskertuta nago emandako aukeragatik. Boluntarioak bihotzez aritzen dira, eta hori eskertzekoa da».

Benavidesentzat sukaldaritza tailerra zubi izan da osasun ohiturak aldatu, herriko jendea ezagutu nahiz bertoko bizimodura moldatzeko. «Kubako janaria gaziagoa, gozoagoa eta gantz gehiagokoa da. Hemen, osasuntsuagoa da», adierazi du. Hitzordu guztietara bertaratu da kubatarra, eta ikasitako plater guztiak etxean egin ditu: «Errezeta guztiak apuntatu ditut koaderno batean, eta gero etxean egin ditut denak. Dilistak, garbantzuak, paella, flana… denetarik egin dut».

Lekeitio

Argazkia: Caritas

Gustura aritu da tailerrak iraun duen bitartean, eta argi dauka, gaur gaurkoz, Lekeition errotu nahi duela: «Oso ondo sentitzen naiz hemen. Euskal Herrian geratzeko etorri naiz, pertsona oso onak ezagutu ditut».

Ate bat

Costillasek azaldu du tailerra lanerako aukera ere badela: «Bertoko jendea ezagutzen dute, eta lanerako aukerak eskaintzen dizkiete askotan. Bertoko adineko norbait zaintzeko lan batean, adibidez, ez du janari exotikorik nahi izango, bere ohiko janaria nahiko du». Eta besteren artean hori jakiteak aukera bat ematen die.

Era berean, argi dauka tailerraren onuretako bat pertsonen arteko zubiak eraikitzea ere badela: «Guk askotan esaten dugu gure proiektuetan helburu bakarra ez dela ikastea, baizik eta konektatu eta harreman sareak sortzea. Izan ere, gure partaide askoren arazo nagusia bakardadea da».

Lekeitio

Argazkia: Caritas

Azaldu duenez, partaide askok ez dute harreman sare sendoa inguruan, familiarengandik urrun bizi direlako edota egoera ekonomiko zaila dutelako, besteren artean. Horren eraginez, bakarrik sentitzen direla adierazi du, eta sukaldearen inguruan elkartzea pizgarria dela eurentzat: «Pertsonok behar dugu sentitzea besteek gurekin kontatzen dutela eta gure zain daudela, eta hori ere jasotzen dute tailerrean».

Boluntarioentzat ere, «aberasgarria» dela nabarmendu du Costillasek, eta berretsi egin du hori Anzolak: «Ez dugu soilik ematen, jaso ere, asko egiten dugu. Gustura etorriko gara datorren urtean ere». 

Costillasek gogorarazi du boluntario izan eta zubi berriak eraikitzen laguntzeko prest daudenek norbere herriko Caritasera joatea baino ez duela egin behar. 

Sukaldaritza tailerra

Argazkia: Caritas

Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.

Egin HITZAkide

Azken 3 egunetako irakurrienak

 

 

Asteko albiste garrantzitsuenen buletina jaso nahi?

Buletina barikuetan bidaltzen da, eta Lea-Artibai eta Mutrikuko asteko berri nagusiak biltzen ditu.

Harpidetu

Datuak ondo jaso dira. Eskerrik asko.

Izen-abizenak eta posta elektronikoa sartu behar dira.

Posta elektronikoak ez du formatu zuzena.

Arazo bat gertatu da eta ezin izan da izena eman. Jarri gurekin harremanetan mesedez eta barkatu eragozpenak (Akatsaren kodea:).

  • 94-684 44 36
  • lea-artibai@hitza.eus
  • Arretxinaga etorbidea, 1 - 48270 Markina-Xemein
  • Publizitatea
  • Argitalpen politika
  • Aniztasun politika
  • Pribatutasun politika
  • Cookieak
Babesleak:
Hasi saioa HITZAkide gisa

Saioa hasten baduzu, HITZAkide izatearen abantailak baliatu ahal izango dituzu.

HITZAkide naiz, baina oraindik ez dut kontua sortu SORTU KONTUA

Zure kontua ongi sortu da.

Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.

Sartutako datuak ez dira zuzenak.
Zure kontua berretsi gabe dago.
 
 
 
(Pasahitza ahaztu duzu?)
 
 
SARTU
 
Pasahitz berria ezarri da eta zure helbide elektronikora bidali da.
Sartutako datuak ez dira zuzenak.
 
(Identifikatu)
 
 
 
 
BIDALI
 

Ezagutu HITZAkide izatearen abantailak eta aukeratu HITZAkide izateko gustuko modalitatea

HITZAkide izan nahi dut
Aldatu zure pasahitza
Pasa hitza ondo aldatu da.
 
 
 
 
 
 
 
Aldatu
 
Oraindik ez zara HITZAkide?

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.

Ezagutu HITZAkide izatearen abantailak eta aukeratu HITZAkide izateko gustuko modalitatea.

HITZAkide izan nahi dut

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.