Gaur amaituko da Hamen Bertokoa merkatua Lekeition
Argazia: Hamen Bertokoa. Hamen Bertokoa azokaren azken eguna izango da gaur [uztailak 25], Lekeition. Azoka arratsaldeko 18:00etatik 21:00etara egingo da, Indepentzia plazan, eta bertako ekoizleen produktuak izango dira salgai.
Ekimen hau Hamen Bertokoa eta Lea Artibaiko Landa Garapen Alkarteak antolatu dute, Lekeitioko Udalaren laguntzagaz. Uztailaren 11n eta 18an egin ziren lehen bi saioak, eta gaurkoarekin emango zaio amaiera uztaileko merkatuari.
Azokan, ohiko moduan, hainbat ekoizlek parte hartuko dute. Besteak beste, Baskaran gaztandegiak bere gazta aukerak eskainiko ditu, Txikiñena baserriak esnekiak, eta Ostolaza Eztiek bertako eztiak. Halaber, Labegur okindegiak ogia eta gozoak izango ditu salgai, eta Daonaz ekoizleak, berakatza beltza.
Antolatzaileen esanetan, azokak “tokiko kontsumoa eta ekoizleen lana balioan jartzeko” helburua izan du, eta harrera ona izan du aurreko bi egunetan. Gaurkoa azken aukera izango da ekoizleekin harreman zuzena egiteko eta garaian garaiko produktuak bertatik bertara eskuratzeko.
Eguraldi onarekin eta giro atseginarekin, Lekeitioko plazak tokiko zaporeez eta elkarrizketez beteko dira arratsalde honetan. Azoka irekia eta herritar ororentzat zabalik izango da.
