Zabalik dago San Silbestre lasterketan izena emateko epea
Abenduaren 31n lehiatuko dute eta lau kategoria banatu dituzte.
Urtea kirola egiten amaitzea gustuko dutenak asko dira. Lekeition horretarako aukera ematen dute Tximista atletismo taldeak eta udalak elkarlanean antolatutako San Silbestre lasterketagaz. Urtarrilaren 31 goizean lehiatzen dute eta aurtengorako izen ematea dagoeneko zabalik dago.
Lasterketa eguneko 10:00ak arte eman daiteke izena Herri Krosaren webgunean eta doakoa dela gogoratu dute. Parte hartzen dutenek hiru egun izango dituzte dortsalak jasotzeko: abenduaren 27an eta 28an 12:30etik 14:30era eta hilaren 31n 09:30etik aurrera. Mozorro onenarentzat saria egongo dela aurreratu dute antolatzaileek.
Beste urte batzuetan bezala, adin tarte desberdinentzako ordutegi eta distantziak jarriko dituzte. 0 eta 8 urte bitartekoek emango diote hasiera San Silbestre lasterketari 11:00etan, Abadeen moila eta plazaren arteko 500 metroko ibilbidea osatu beharko dute. 11:15ean ahasita, 9-12 urtekoek ibilbide bera osatuko dute, baina Sanpedropetik pasata, hau da, kilometro bateko ibilbidea guztira. 13 eta 16 urte bitarteko gazteek Santa Katalina parketik aterako dira 11:30ean eta herriko plazan amaitu, 2,9 kilometroko ibilbidea eginez. Azkenik, 12:15ean, 16 urtetik gorako nagusiek 7 kilometroko ibilbideari egin beharko diete aurre: Faroa, Kristo Portala eta Tala zeharkatu beharko dituzte plazaraino heldu baino lehen.
