Eskualdetik mundua aldatzeko: "Alternatiba gara, eta hori aldarrikatzera aterako gara"

Askotariko aldarriak plazaratu zituzten domekan eragile feministek ā€œborroka transfeminista, antiarrazista eta antikapitalistaā€ baten alde.

ondarroa m8

Beste mundu bat feminismotik lelopean mobilizatu ziren domekan Lea-Artibaiko kolektibo feministak. Ugariak izan dira asteburu guztian zehar eskualdean antolatutako ekintzak, eta udalek, eragile taldeek eta elkarteek kaleak hartu dituzte zapalkuntza orori aurre egiteko prest daudela erakusteko.

Ondarroan, herritarrek Etxelilatik hasi eta Alamedara arte zabaldu zuten aldarria domekan. Andrabanda lagun, ondarrutarrek herriko kaleak bete zituzten eguerdirako deitu zuten manifestazio jendetsuan, ā€œborroka transfeminista, antiarrazista eta antikapitalistaā€ baten alde.

Askotariko mugimenduen jardunak plazaratu zituzten, eta hauen artean, trans gorputzak ere mintzagai izan ziren Alamedan: ā€œSistemak jo puntuan dituen gorputzak gara, baina ez gara soilik gorputz zapalduak, alternatiba gara eta hori aldarrikatzera aterako garaā€. ā€œBorroka internazionalistaā€ honetan eta arrazakeria gora egiten ari den garaian, feminista zuriei ere diskurtso arrazistak salatzeko eta hauen aurrean ardurak hartzeko deia egin zien. Honetaz gain, ā€œzapalduak zapalduagoā€ izatea ahalbideratzen duten sistema betikotzen dutenei, instituzioei, patronalei eta gizonei ere zuzendu ziren: ā€œHartu dagokizuen arduraā€.

Artibai errekako uretan zeuden Andrak Erramutan taldeko arraunlariek manifestazioarekin bat egin zuten, eta herritarrek txalo zaparrada artean hartu zituzten. Hala, ondarrutarrek argi utzi zuten herriko emakumeak berdinatsunerako bidean ari direla arraunean.

Andrak Erramutan M8

Lekeitioko Mugimendu Feministak ā€œpatriarkatuaren aurreanā€ antolatzearen beharra aldarrikatu zuen. Gaur egungo ā€œsistema kapitalista zisheteropatriarkal kolonialistaren estrategiaā€ seinalatu zuten, ā€œnoraeza, etsipena eta beldurraā€ sortzen duena eta ā€œantolakuntzaz eta borrokazā€ erantzun behar zaiona.

Etxebarrin ā€œburujabetza feministaā€ izan zen elkarteratzearen aldarri negusia eta Markina-Xemeinen ere, antzeko ildotik egin duten bateratzea; emakume gazte zein helduek, ā€œlurraldeen eta gorputzen gaineko kontrolaren hazkundeaā€ salatu zuten arratsalderako deitu zuten manifestazio zaratatsuan. Ordena hau gaur egungo ā€œsistema zapaltzailearen tresnaā€ dela adierazi dute, ā€œideia erreakzionarioeiā€ bidea zabaltzen diena.

Morelarre M8

Honen aurrean, ā€œEuskal Herri feminista baterako bidean, zisheteropatriarkatuak, kolonialismoak eta kapitalismoak sostengatuteko egitura zaharrak desegin eta orainalditik eraikitzen diren sistema berrien alde borrokanā€ jarraituko dutela indarrez aldarrikatu zuten. Irakurketan aurtengo Martxoaren 8ko mezu nagusiari erreferentzia egin nahi izan die markina-xemeindarrek: ā€œFeminismotik, beste mundu baten sinisten dugulako araututako ordenari antolakuntza feministaren bitartez erantuzten jarraituko dugu; ordena desobeditzen jarraituko duguā€.

ā€œMatxismoaren zein faxismoaren aurkaā€ mobilizatu zen Itaia Ondarroan. Hainbat gazte izan ziren emakume langileak askatzeko ā€œproposamen iraultzaileā€ baten alde agertu zirenak, eta ā€œemakume langileak askatzekoā€ borrokan lanean jarraitzearen aldarrikapena egin zutenak. Domekakoa, ā€œborrokan lehen lerroanā€ daudela berresteko elkarteratzea izan zen antolakuntza sozialistarena.

Itaia Ondarroa

Itaiaren mobilizazioa Ondarroako kaleetan.

Bestelako ekintzak ere ez ziren falta izan eskualdeko herrietan. Gizaburuagan eta Amoroton adin guztietako emakumeak mahai inguruetan batu ziren, harremanak estutzearekin batera, ahalduntzera bidean. Aulestin, Berriatuan, Ispasterren, Mendexan, Mutrikun, Munitibarren eta Ziortza-Bolibarren, herria apainketak, aldarriz betetako elkarteratzeak eta bazkariak egiteko batu ziren herrietako emakumeak.