Zabalik dago Ispasterko Nekazal Azokan izena emateko epea
Ispasterko Udalak irailaren 12rako antolatu du azoka. Parte hartu nahi dutenek udaletxean izena eman beharko dute abuztuaren 19ko 13:30ak baino lehen.
Ispasterko Nekazal Azoka Urteroko hitzorduari hutsik egin barik, Ispasterko Udalak Nekazal Azoka antolatu du irailaren 12rako. Azokan parte hartu nahi duten ekoizle, baserritar, artisau eta gainerakoek udaletxean izena eman beharko dute abuztuaren 19ko 13:30ak baino lehenago, bertara joanda edota 94-684 29 99 telefono zenbakira deituta.
Animaliei dagokienez, udalerrikoek lehentasuna edukiko dute. Garraioa eta animaliei egin beharreko nahitaezko azterketak jabearen kontura izango dira, eta animaliek indarrean dagoen araudia bete beharko dute, mikrotxipa, kartilla… Horren harira, izena ematerakoan, nahitaez mikrotxip zenbakia eta ustiategiaren kodea aurkeztu beharko dira.
Era berean, Ispasterko Udalak dietak ordainduko dizkie abereen jabeei. Animalia txikien kasuan izan ezik, ez diote espezie bakoitzean dieta bat baino gehiago ordainduko jabe berari.
Espezieak Gutxieneko sorta Sortako dieta
Ahuntzak 6 buru (akerra + 5 ahuntz) 100 euro sortako
Ardiak 6 buru (aharia + 5 ardi) 100 euro sortako
Idiak 2 buru 140 euro sortako
Behiak 2 buru 140 euro sortako
Zaldiak 2 buru 100 euro sortako
Astoak 2 buru 80 euro sortako
Poneyak 4 buru 100 euro sortako
Animalia txikiak 4 buru kaiolako 10 euro sortako
Txakurrak 4 buru 75 euro sortako
