Puzgarriak eta kirol egokitua lekualdatu badituzte ere, umeek goi-goitik ospatu dute euren eguna. Arratsaldean tirolina, ginkana, erraldoien kalejira eta ikuskizuna egongo dira umeentzat. Bestalde, txosnagunean lapurretan egin dutela salatu dute.
Txopitturri Gurasoen Elkarteak antolatutako San Kristobal jaian elkartu ziren munitibartarrak atzo [uztailak 13]. Musika eta jan-edana ez ziren falta izan, eta II. Oizko Ermitara Igoera Bertikala ere egin zuten. Nora Narbaiza eta Julen Aranguena nagusitu ziren.
Uztailaren 19tik abuztuaren 16ra bitartean jokatuko dute gaur [uztailak 14] aurkeztu duten Gernikako Grand Slama. Eñaut Urreisti eta Mikel Mantzisidor mutrikuarrek bikotea osatuko dute; Aritz Erkiaga ispastertarra, berriz, Unai Lekerika gernika-lumotarrarekin ariko da.
ETE ligan laugarren postua eskuratu du Ondarroak, eta zazpigarren gelditu da Isuntza.
Alex Goitiandia markinar gazteak Imanol Lopezekin batera irabazi du Grand Slama, bere ibilbideko garaipenik handiena erdietsiz
2.885 lagun elkartu dira gaur [uztailak 12] Karmen jaietako Kuadrillen Eguna ospatzeko. Ostean Herritxoua egin dute, eta zortzi partaide eduki ditu; talde irabazlea Suzko Gameluak izan da, eta bakarlaririk onena, Iban Mendizabal. Publikoaren saria banatu dute lehenengoz, eta Sekulo Holakoik taldeak irabazi du.
Bekobenta Eskolaren pregoiagaz eman diete hasiera Karmen jaiei; herri eskola euskaldun, anitz eta parte hartzailearen aldeko mezua zabaldu dute.
Markina-Xemeingo Jai Batzordeak herritar guztiak karmenetako ospakizunetan biltzeko «egitarau oparo eta zabala» prestatu du, eta ez dira herri bazkaria, Herritxoua edota herri kirolak faltako. Txosna batzordearen Txosna Eguna martitzenean egingo dute. Txosnak Gureak Denonak dinamikaren garrantzia azpimarratu eta sinadura bilketan parte hartzeko deia egin diete herritarrei.
Erasoaldi matxistei aurre egiteko protokoloa eguneratu dute udalak eta herriko denetariko eragileek, eta telefono bidezko zerbitzua nahiz aurrez aurrekoa egongo dira aurtengo jaietan. Erasoen aurrean arreta emateaz gain, informazioa eta aholkularitza emateko helburua ere badute.
Hamalau lan aurkeztu dira lehiaketara, eta ikusgai daude guztiak Udal Erakusketa Aretoan. Kartel lehiaketa irabazten duenak 600 euroko saria jasoko du.
Herritarrek gaurtik [uztailak 14] uztailaren 22ra egin ahalko dituzte proposamenak; norbanako bakoitzak herritar, talde edo eragile bat proposatu ahalko du. Ostean, bozketa egiteko epea zabalduko dute.
Markina-Xemeinek gazte mailako Bizkaiko Itzuliaren lehen etapa hartu du, eta Cafes Baqué etxeko Alvaro Sansano izan da bizkorrena.
Habixi elkarguneak Oier Guillanen liburu aurkezpena eta 'Igelak' filmaren proiekzioa antolatu ditu, hurrenez hurren, gaurko [uztailak 11] eta martitzenerako [uztailak 15].
Gaur [uztailak 9] Aitona Zittalak taldearen kontzertua egongo da. Horren ostean, uztailean beste bost kontzertu egongo dira, eta abuztuan, beste sei. Besteren artean, uztailaren 16an Nabil taldea, abuztuaren 4an Akustikaia eta 10ean Biren igoko dira oholtzara.
Aurretik ere antzeko lanak egin izan dituzte Artibai ibaiaren beste zati batzuetan, Markina-Xemeinen edota Ondarroan, adibidez.
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
