
Goierri Zirkuituko bigarren martxa egingo da domekan, Arretxinagan. Aurreko urteetakoa baino ibilbide errazagoa izango da, eta 33 kilometro edukiko ditu danetara. Betiko modura, martxak plazatik irtengo du eta inguruetan zehar ibiliko dira mendi bizikl...

“Badakigu hauteskunde kanpainan gaudela, eta Ondarroako EAJk Bildurekin duen jarrera erasokorra are gehiago nabarmendu daitekeela egunotan. Gezurrak asmatu eta zabaltzeraino heltzea, ordea, ez dakigu urduritasun kontua ala zer den, baina ez dugu...

Lea-Artibai Open Txapelketa jokatzen hasiko dira domekan gaur eguneko punta-puntako profesionalak eta maila handieneko afizonatuak. Finalerdi bi jokatuko dira datorren domekan eta hurrengoan, eta finala, urriaren 13an, Urriko Azoka Egunean, izango da.

70 metro karratuko 77 sail jarriko ditu herritarren eskura Markina-Xemeingo Udalak. Barroeta dorrea eta futbol zelaiaren artean dauden 9.000 metro karratuetan ortu ekologikoak egiteko proposamena egin du herriko ingurumen batzordeak, eta datorren udaba...

Erdi Arora jauzi egingo du asteburuan Ondarroak. Jaiak inbertsio handia eskatzen du. Jai batzordea etenik barik ibili da beharrean otsaila-martxoaz geroztik. Eta joan-etorri horretan danek nahiko luketeen ibilbidea eduki du batzordeak: bakarrik funtzionatu du, lantaldetan. Asko eta asko izan dira bertan ibili direnak, eta hainbeste izanda, bat edo bat karteletatik kanpora be geratu da. «Eskola publikoa eta Nasa kaleko auzokideak aitatzea ahaztu zaigu karteletan. Gazte asanblada be laguntzaileen artean dago», esan dute. Udaletxean eta auditorioan egin dituzte batzarrak eta lanak. Aurreko urteetatik gordeta zegoen materiala berreskuratu dute. Asko eta asko, baina, galdu egin dira bidean, lokal aldaketa bat tarteko. «Pena handia da, jendeak egindako behar asko eta asko galdu egin da». Eta aurreko urteetako hutsuneak betetzeko ahaleginean, Erdi Aroko azoka egongo da aurten. Herriko merkatariak Nasa kalean egongo dira, eta kanpokoak Musika Plazan. Zapatuko eta domekako egitaraua: Irailak 29, zapatua -11:00. Musika plazan eta Alamedan kale animazioa; Latxanbre plazan muralaren hasiera. -11:30. Kafeko Atzen eta Kantoipen kale animazioa; Iparkalen hasita, Goiko Kale eta Kale Handirantz, kantu gregoriarren emonaldia. Astotxo gaineko txangoak umeentzat, Iparkalen hasita. Haize metalezko musika tresnekin, Erdi Aroko kantu emonaldia, Kale Handin hasita. -12:00. Arku jaurtiketa tailerra frontoian. Kofradia Zaharraren aurrean pregoi antzeztua; gaiteroak Iparkaletik hasita. -12:30. Alamedan [...]


Sekretupean jarraitzen du Igor Urresti ondarrutarraren gaineko sumarioak. Proba batzuk aztertzeko epea zabalduta, Javier Gomez Bermudez Espainiako Auzitegi Nazionaleko epaileak hogei bat egunean emongo du jakitera Urrestiri zehazki egozten diona. Hiru egunean inkomunikatuta egon eta gero, bariku arratsaldean pasatu zuten atxilotua epailearen aurretik. Urrestik ez zuen deklaratu, eta uko egin zion ADN probak egiteari. Bere aldetik, epaileak «erakunde terrorista bati laguntzeaz» akusatuta dagoela adierazi zion. Epaiketa gelatik atera ostean, defentsa abokatuak eta senideek beragaz egoteko aukera eduki zuten. Hamar minutu eduki zituzten senideek ikusteko. Zapatuan, Soto del Realeko espetxean (Madril, Espainia) bisitatu ahal izan zuten, ohiko bisitak legez, 40 minutuan. Zurrunbilo errepresiboa Gernikako Akordioari atxikitutako herriko eragileek «kezka eragiten duen gertakaritzat» jo zuten barikuan, Igor Urrestiren atxiloketa, are gehiago «maitzaz geroztik Gobernu espainiarretik eta frantsesetik etorritako erasoek Ondarroako herria zurrunbilo errepresiboan murgildu arazi duten honetan». Horren harira, Xabi Aranbururen atxiloketa, zazpi herritarren kontra Espainiako Auzitegi Nazionalean egindako epaiketa, Kemen Urangaren atxiloketa eta espetxeratzea eta Endika Ahendanech ondarrutar gaztearen aurkako epaiketa ekarri zituzten gogora. «Estatu espainiarraren jarrera errepresiboak ez dauka etenik. Jarrera errepresibo horrek berebiziko isla eduki du Ondarroan, eta esan legez, horrek kezka eragiten digu, hala nola, Euskal Herrian bakea lortu ahal izatea oztopatzeko estrategia eta borondate argia adierazten duelako». [...]