
Primeran joan da Lekeitioko Euskal Ezkontza. Urtero legez, jende asko batu zen domekan ekimenaren inguruan, eta guztiak ondo baino hobeto ibili ziren. Hori esan dute Gora Buru Kultur Elkarteko kideek. Josu Maruri eta Irene Lauzirika izan ziren ezkongaiak. Eurek katu zituzten Anbrus eta Josepa. Haien ondoan, 120 bat lagun aritu ziren antzinako euskal ezkontza irudikatzen. Iturengo joaldunek eta Alurr dantza taldeko gaztetxoek be saio ikusgarria egin zuten. 40 bat dantzari aritu ziren, goizean ezkongaiei dantzan egiten eta arratsadean plazan ikuskizunean. Eta urtero legez, Gora Buru Kultur Elkarteko kideek aldaketa bat edo beste egin zuten ezkontzaren inguruan: notarioak ezkontza agiria irakurtzen duen momentua mahaian jesarrita antzeztu zuten, jendea atzean zegoela. «Pilo bat gustatu zen hori horrela egitea», azaldu dute elkartekoek, pozik.

Uztailean pilates eta dantza sormena ikasteko aukera eskainiko du Kresala Kultur Elkarteak. Pilateseko saioak uztailaren 9tik 13ra bitartean emongo dira, 19:00etatik 20:15era. Dantza sormena astebete beranduago egongo da aukeran, uztailaren 16tik 20ra bitartean, ordutegi berean. Ikastaro biak Kresala Kultur Elkartearen Artabideko lokalean emongo dira. Izena emoteko hurrengo telefono zenbakira deitu behar da: 695 744 549.

300 bat lagunek egin zuten zapatuan hitzordua euskal kulturagaz. Kresala Egunak bete-bete egin zuen frontoia. Elkarteko arduradunak pozik agertu dira erantzunagaz. Aspaldian emonaldirik egin barik «dantza gosez» zegoen jendea, Kresala Kultur Elkartekoek esan dutenez. Eguraldia lagun, giro izugarri ona egon zen. Guztiek kantxan bat eginda amaitu zen saioa, Larrain Dantzagaz. Argazkiak ikusgai

Argi zuziak eskuan eta Akerbeltz bidelagun, gaztetxetik kalejiran jaitsi ziren zapatu gabean Markina-Xemeingo Gazte Asanblada, Zerutxu, eta Izarbidean taldeetako kideak. Irrintzi, kantu eta antzezpenak egin zituzten Goiko Portalerako bidean, kalez ka...

Barikuan hasi eta atzora arte, jaiak ez du etenik eduki herrian. Argazki galeria osorik ikusi.
