Mutriku izango da Emusik 2016 europar jaialdirako egoitza ofizialetako bat
Emusik 2016 Europako Musika Eskolen Jaialdiaren gonbidapena onartu eta gero, Mutriku jaialdi erraldoiaren egoitza ofizialetako bat izango da. “Egitasmo honi esker, Mutrikuren izena Europan zehar zabalduko da», nabarmendu zuen Joseba Palenzuela Mutrikuko alkateak hitzarmena sinatu aurretik.
Funtsean, jaialdiak, 120.000 ikusle baino gehiago bilduko ditu Donostian datorren urteko maiatzaren 6tik 8ra. Oro har, 10.500 musikarik, 26 herrialdetatik etorritako 420 taldek, eta mila ekitaldi baino gehiago osotuko dute jaialdia. Herritarrek, bestalde, Europako leku ezberdinetatik etorritako gazteek interpretatutako musikaz gozatzeko aukera edukiko dute. “Aukera paregabea izango da kulturen eta lurraldeen artean ezagutzak eta esperientziak trukatzeko”, diote antolatzaileek.
Egingo diren emanaldi guztien artean, bi Mutrikun egingo dira, maiatzaren 6an eta 7an. “Europako hainbat herrialdetako 300 musikari etorriko dira Mutrikura eta horiekin guztiekin batera ariko dira Mutrikuko musikariak ere”. Hala ere, musikariez gain, herritar guztiek parte hartzea nahi dutela adierazi zuen Matek. “Guztiok dakigu abesten, guztiok daukagu musikari bat barruan… Guztiok batzeko moduko jaialdia izango da, eta batzera animatu nahi nuke jende guztia”.
Emusik jaialdiko eta Mutrikuko ordezkariak, hitzarmena sinatzen. Argazkiak: Mutrikuko Udala.
Maiatzaren 6an eta 7an egingo dira emanaldiak Mutrikun; Europa osoko 300 musikari etorriko dira Mutrikura bi egun horietanEmusiken eta Mutrikuko Udalaren arteko elkarlana jasotzen duen hitzarmena sinatzeko Palenzuela, Joxemari Etxaburu Mutrikuko kultur zinegotzia eta Mikel Mate Donostiako Udal musika eskolako zuzendaria elkartu ziren. Eurekin batera, Mutrikuko musika eskolako ordezkariak egon ziren, tartean, Roberto Bergara zuzendaria. Emusik Donostia 2016 Kultur Hiriburu egitasmoaren baitan egingo den “izarretako bat” izango dela aurreratu du Matek. “Jaialdia entzutetsua izango da Europa mailan”.
Emusik jaialdiko eta Mutrikuko ordezkariak, hitzarmena sinatzen. Argazkiak: Mutrikuko Udala.
Mutrikun egingo diren ekitaldien antolaketa eta koordinazio lanak Mutrikuko musika eskolak zuzenduko ditu; herriko beste musikariei ere jaialdira gehitzeko gonbitea egingo dietela gaineratu duteMutrikun egingo diren ekitaldiak Mutrikuko musika eskolak antolatu eta koordinatuko baditu ere, herriko gainontzeko musikariei ere (Mutrikuko Rock Kolektiboa, txistulariak…) jaira gehitzeko gonbitea helaraziko diete. Momentuz, elkarlanerako hitzarmena sinatuta, prestaketa lanetan ari dira antolatzaileak. Donostiako Anoeta estadioan, esaterako, jaialdiari hasiera emateko ekitaldia egingo dute eta horretan jaialdi osoan parte hartuko duten musikariak bildu nahi dituzte. Bide horretatik, aurten, hainbat hitzordu izango dute musikariek. “Mutrikuko musika eskolatik 100 lagun baino gehiagok parte hartuko dugu prozesu guztian”, esan du Bergarak.
Mutrikurentzat eta oro har, mutrikuarrentzat, “esperientzia aberasgarria” izango dela azpimarratu du Palenzuela alkateakDenaren gainetik, egitasmoa herriarentzat eta herritarrentzat “esperientzia aberasgarria” izango dela azpimarratu du Palenzuelak. “Lan handia dago aurretik, baina Mutriku eta musikaren arteko lotura ezagututa, eta herritarren izaera kontuan hartuta, ziur naiz erronka honi eutsiko diogula”.
