Bizkaiko taldekako kanporaketa jokatuko da Markina-Xemeinen

Akerbeltzen antxumak (Markina-Xemein), Leioara begira (Leioa) eta Otsoko (Busturialdea) taldeak ariko dira zapatuan [martxoak 18] zein baino zein gehiago. Herriko bi gunetan burutuko dira saioak.

19:30ean izango da lehen saioa, Buztarri tabernan, eta bertan Leioara begira eta Otsoko neurtuko dira, Markina-Xemeingo taldeak aurkezpen lanak egingo dituelarik.

Ondarroako Anaitasuna tabernan egin zen Bizkaiko txapelketako saioa. Argazkia: Bizkaiko Bertsozale Elkartea

Ondarroako Anaitasuna tabernan egin zen Bizkaiko txapelketako saioa. Argazkia: Bizkaiko Bertsozale Elkartea

21:00etan afaria egingo da, Akerbeltz Gaztetxean, eta horren ostean egingo dira bigarren eta hirugarren saioak, Gaztetxean bertan.

Bigarren saioan Busturialdeko Otsokok eta Markina-Xemeingo Akerbeltzen antxumak egingo dute bertsotan. Hirugarren saioan, berriz, Akerbeltzen antxumak eta Leioara begirako bertsolariak aterako dira gaztetxeko oholtzara.

Talde antolatzaileak egindako ariketen proposamena jarraituko dute. Horrela, agurra, zortziko nagusian, lau oinak emanda eta azkena emanda, zortziko txikian, bakarka, Potokumeak, puntu erantzunak eta taldean puntuka egin beharko dute bertsolariek. Azken agurra ere puntuagarria izango da.

Parte hartze handia. Guztira 30 talde daude lehenengo edizio honetan, hau da, 200 parte hartzailetik gora. Egiturari dagokionez, kanporaketa bakoitzean 3 taldek hartuko dute parte, eta bakarra sailkatuko da hurrengo fasera. Txapelektak fase bi eta finala izango ditu. Lehenego fasea Aste Santu bitarte izango da, eta bigarrena Aste Santu ostean. Finala ekainaren 3an izango da.

Epaileek izango dute erabakia, baina, bai eta publikoak ere. %50ean dauka zeresana bakoitzak. Hala ere, bata eta bestearen artean ezadostasuna balego epaileen erabakia gailenduko litzateke.

Ondarruko taldea kanpora. Joan den barikuan jokatu zen Ondarroan, Bizkaiko Taldekakoaren lehen kanporaketa Ondarroako Arri eta Botx bertsutan, Zornotzako Etabarrak eta Abadiñoko Koipelustre´s taldeen artean. Azken horrek irabazi zuen kanporaketa, eta beraz, hurrengo fasera sailkatu da. Ondarroako Arri eta Botx bertsutan taldea, berriz, txapelketatik kanpo geratu da.

Ondarroako hiru gunetan egin ziren saioak: Anaitasuna tabernan, gaztetxean eta Bekozinin.

Ez dago iruzkinik

Egin iruzkin bat

*

*

CAPTCHA Image

*

LEA-ARTIBAI ETA MUTRIKU

Send this to friend