Udalak bat egin du Gernikako Akordioarekin
Mutrikuko Udalak bat egin du Gernikako Adierazpenean jasotzen diren ideia eta eskariekin. EAko udal ordezkari Joseba Burgañak aurkeztu eta irakurri zuen mozioa azaroko Osoko Bilkuran, eta onartuta geratu zen. Aldeko botoa eman zuten, EAz gain, EAJk et...
Mutrikuko Udalak bat egin du Gernikako Adierazpenean jasotzen diren ideia eta eskariekin. EAko udal ordezkari Joseba Burgañak aurkeztu eta irakurri zuen mozioa azaroko Osoko Bilkuran, eta onartuta geratu zen. Aldeko botoa eman zuten, EAz gain, EAJk eta ezker abertzaleko hautetsiek. Berdeak+Independienteak taldeak abstentzioa eman zuen.
Onartutako mozioan, «Euskal Herrian ireki den prozesua garatzen eta finkatzen laguntzeko konpromisoa erakustea» onartu du Udalak. «ETAri eta Espainiako Gobernuari eskatzen diegu bortxakeriarik gabeko agertokia bermatu eta arian-arian normalizazio politikoa iristeko behar diren erabaki eta ekimenak har ditzatela», dio testuak hasieratik. Era berean, azken asteetan izandako atxiloketa politikoak, Ikasle Abertzaleak eta Gazte Independentistak taldeetako partaideenak hain zuzen, salatzen dira mozioan. «Inkomunikazio egoera erauzi eta tratu txarren prebentziorako neurriak sistematikoki ezar daitezela» eskatzen da bertan. Herritarrei dei egiten zaie era horretako atxiloketak eta tortura kasuak salatzeko deitzen diren mobilizazioetan parte har dezaten.
