Geoparkeen Sareko agiria jasoko dute Mutrikuk, Debak eta Zumaiak eguaztenean
Guy Martini geologo frantziarrak emango die sarrerako agiria hiru udalerriei, 13:00etan, Debako udaletxean Euskal Kostaldeko Geoparkea Europako eta Munduko Geoparkeen Sarean sartzeko ziurtagiria eguaztenean jasoko du Geogarapen elkarteak. Horri esker, ...
Guy Martini geologo frantziarrak emango die sarrerako agiria hiru udalerriei, 13:00etan, Debako udaletxean
Euskal Kostaldeko Geoparkea Europako eta Munduko Geoparkeen Sarean sartzeko ziurtagiria eguaztenean jasoko du Geogarapen elkarteak. Horri esker, Mutriku, Deba eta Zumaia biltzen dituen lurraldea mundu mailako sare horretako parte izango da. Ziurtagiria emateko ekitaldia bihar 13:00etan izango da, Debako udaletxeko pleno aretoan.
Agiria ematera, gainera, Guy Martini geologoa etorriko da. Bera Haute Provence franziar Geoparkeko zuzendari zientifikoa da, eta sarearen aholkularitza batzordeko eta koordinazio batzordeko kidea. Geoparkeen proiektuak oinarrian daukan marko teorikoaren garapenean ekarpen gehien egin duen pertsona da Martini.
Hitzaldirako autobusa
Geologo frantziarrak, gainera, hitzaldia eskainiko du asteazkenean, 19:00etan, Zumaiako udaletxean, eta bertan azalduko du Geoparke bat zer den eta zertarako. Mutrikuko goiko errotondatik irtengo da autobusa, doan, hitzaldira joateko. Interesa dutenek 943 82 01 10 telefonora dei dezakete izena emateko, edo bestela geogarapen@geogarapen.com helbidera idatzi.
