Gabiola dute buru barria
Bittor Mari Gabiola amorotarra da Itsas-Baserria Elkarteko presidente barria. Haren zuzendaritzapean egindako lehen urtea izan da 2010a, eta balantzeagaz gustura gelditu dira batzar orokorrean. Abenduan, Gizaburuagan egindako batzar nagusian, Itsas-...
Bittor Mari Gabiola amorotarra da Itsas-Baserria Elkarteko presidente barria. Haren zuzendaritzapean egindako lehen urtea izan da 2010a, eta balantzeagaz gustura gelditu dira batzar orokorrean. 
Abenduan, Gizaburuagan egindako batzar nagusian, Itsas-Baserria osatzen duten bederatzi herrietako ordezkariek urteari errepasoa egin eta datorren urterako plangintzaz berba egin zuten.
Urteko balantzeari oniritzia emonda, 2011. urtean orain arteko plangintzari eustea erabaki zuten. Gauzak horrela, Itsas-Baserriatik erretiratuen elkarteetako kideei irteera kulturalak eskainiko dizkiote. Urrian elkarregaz egiten duten bazkaria be mantenduko dute, eta haregaz batera, tute, mus eta briska txapelketa be egongo dira. «Loteria saltzen be segituko dugu».
Elkarregaz indarra eginez
Itsas-Baserria Elkartean, eskualdeko zazpi erretiratu elkarte batzen dira: Ispaster, Munitibar, Aulesti, Amoroto, Lekeitio, Mendexa eta Ondarroa. Eurekin batera, Ea eta Ereñokoak be kide dira.
Duela hamalau urte sortutako elkarteak erretiratuen eskaerei indarra emotea zuen helburu. «Guztiok batera egindako eskaerek pisu gehiago hartuko zutela pentsatu genuen».
Horretaz gain, eskualdeko herrietako jendeak elkar ezagutzeko aukera edukitzeko be baliatu nahi zuten elkartearen jarduna. «Deialdiei jende askok erantzuten die; eta giroa ikusita helburua betetzen delakoan gaude».
