Baqueira Beretera eskiatzera joateko irteera antolatu dute
Eski irteera antolatu du Lekeitioko Ikastolak
Urtero lez, Lekeitioko Ikastolak eski irteera antolatu du Baqueira Beretera. Otsailaren 11, 12 eta 13an izango da irteera, eta bertan autobusa, albergea, pentsio erdia eta forfaitak sartzen dira.
Otsailaren 11an irtego da autobusa 18:00etan Ikastola aurretik. Bidean bakoitzak eroandako janaria afalduko dute, eta albergera ailegatutakoan lo egiteko astia egongo da. Otsailaren 12an, albergean gosaldu eta afaldu egingo dute eta eguna eskiatzen pasatu. Domekan, berriz, albergean gosaldu, maletak autobusean sartu, eskiatu eta Lekeition egongo dira bueltan 22:00 ingururako.
Eski irteerak 180 euro balio ditu. Horretaz gainera, eskiatzeko materiala behar izanez gero, alokatzeko laguntza be ematen dute. Izena emateko edo informazioa lortzeko 94-684 09 59 telefonora deitu behar da edo eski@lekeitio.ikastola.net helbidera idatzi. Izena emateko azken eguna otsailaren 4a izango da.
