Opera zuzenean ikusi eta entzun ahal izango da Bide Oneran
Milango Scalagaz egin dute hitzarmena, eta Internet bidezko lotura egingo dute; bi saio egongo dira eguenean, alkarren segidan Cavalleria Rusticana eta Pagliacci operak zuzenean ikusi eta entzun ahal izango dira bihar iluntzean Bide Onera zinean, 20:00...
Milango Scalagaz egin dute hitzarmena, eta Internet bidezko lotura egingo dute; bi saio egongo dira eguenean, alkarren segidan
Cavalleria Rusticana eta Pagliacci operak zuzenean ikusi eta entzun ahal izango dira bihar iluntzean Bide Onera zinean, 20:00etan hasita. 80 minutu iraungo du Mascagniren obrak, hasteko; ostean atsedenaldia egongo da, eta amaitzeko Leoncavalloren Pagliacci eskainiko dute, 80 minutukoa. Guztira, hiru orduko emanaldia izango da, zuzenean Milango Scalatik jasotako seinalearen bidez ailegatuko dena.
Sarrerak 16 euro balioko du. Sarrera horretatik %60 Scalarentzat izango da, eta %40 Bide Onerarentzat. «Eurek ipintzen dute prezioa mundu osoko aretoekin eginda dauzkaten hitzarmenen bidez», azaldu dute Bide Onerako kudeatzaileek.
Lehenengo bider
Sekula be ez da egin horrelako saiakerarik inguru honetako aretoetatik. «Aproba tekniko guztiak eginda daude, eta zuzeneko lotura ondo doa», azaldu dute Bide Onerakoek.
Opera zuzenean ikusteko aukeraren barri emon diete, aldez aurretik Pedro Mari Unanue Udal Musika Eskolako ikasle, irakasle eta taldeei, eta horiek euren biharko entsegu ordutegiak-eta moldatu egin dituzte, saiora joan ahal izateko.
