Landara eta zuhaitz aukera handia azokan
Sagarrondo, gaztainondo, intxaurrondo, era askotako zuhaitz eta landarak erosteko aukera egon zen joan den zapatuan, Markina-Xemeinen ospatutako Zuhaitz, landara eta baserri tresnen azokan. Aukera zabala, baina erosleak gutxiago. Eguerdi parterako jend...
Sagarrondo, gaztainondo, intxaurrondo, era askotako zuhaitz eta landarak erosteko aukera egon zen joan den zapatuan, Markina-Xemeinen ospatutako Zuhaitz, landara eta baserri tresnen azokan. Aukera zabala, baina erosleak gutxiago. Eguerdi parterako jende gehiago ibili bazen be ez zen aurreko urtean bezain beste egon. Hala ere, girorik ez zen falta izan ez eta zuhaitz, landara, gazta, esti, baserri tresna, gozorik be.
Saltzaileen partetik be iritzi desberdinak. Batzuek salmentak «polito» eta beste batzuentzat, berriz «ez oso ondo». Urtero legez gehien saldu zirenak, fruita arbolak eta landarak.
Horietaz gainera, azokan aurkitu zitezkeen mintegi ekologikoaren postuak eta Zaunk konpainia animalientzako zerbitzu integralaren postuak jendearen arreta erakarri eta jakinmina piztu zuten. Umeak, ostera, «gustora» ibili ziren Ekozainen postuan taloak zelan egin ikasten.
