
Ondarroako Aurrera eskalada taldeak ezin hobeto amaitu du 2011ko Boulder Liga. Pasa den asteburuan izan zen azkenengo proba Gasteizen, eta aurrekoetan legez, ibili ziren elite mailako mutilak: hiru ondarrutarrak euren arteko lehian. Jon Ferrero izan z...

Berrikuntzak datoz Mutriku inguruko herriekin eta hiriburuekin lotzeko garraio publikoan. Alde batetik, Bizkaibus zerbitzua Mutrikuraino iritsiko da aurrerantzean. Horrela, bada, Mutrikutik Bilbora joateko autobusa egongo da; edo tartean geratzen diren Lea-Artibai eta Durangaldeko herriekin lotura egiteko. Zerbitzu horren ezarpena posible egiteko hitzarmena sinatu berri dute Gipuzkoako eta Bizkaiko Batzar Nagusietako ordezkariek. «Printzipioz zehaztu dute astelehenetik ostiralera egunean hiru autobus izango ditugula Bilborantz joateko eta beste hiru Mutrikura etortzeko. Baina oraindik ordutegiak guztiz finkatzea falta da», azaldu du Mutrikuko alkate Josebe Astigarragak (EAJ). Hurrengo asteetan zehaztuko dira ordutegiak eta espero da hurrengo hilean zerbitzua martxan jartzea. Debabarreneko zerbitzuak Herenegun argitaratu zen, bestetik, Debabarrena, Urola Erdia eta Urola Kostarako garraio publikoaren berrantolaketarako ebazpena Gipuzkoako Aldizkari Ofizialean. Mutrikuri dagokionez, Mallabia-Mendaro-Ondarroa zerbitzua orduro egongo da. Ostiral gauetan, berriz, aurrerantzean 01:00a arte luzatuko da. Larunbat gauetako zerbitzua mantendu egingo da. Ondarroa-Eibar zerbitzu hori, gainera, Ermuaraino luzatzea onartu dute. Laranga eta San Jeronimo auzoetan ere autobus geltokiak jartzeko eskaria bideratu zuen Mutrikuko Udalak Debegesa, Deba Beheko garapen ekonomikorako elkartearen bitartez. Eskari hori, ordea, ezetsi egin du Foru Aldundiak. «Oraingoz ez dugu beharrezkotzat jotzen, baina egoera hori aldatu daiteke geroago, bidezko bada», dio Aldizkari Ofizialean argitaratutako testuak. Bi auzoetako bizilagunek sarri eskatu izan dituzte geldiuneak bertan edukitzea, [...]

E planeko diru laguntzekin prestatu dituzte aurrez ere emoten zen zerbitzuak eskaintzeko azpiegiturea barriak. Inaugurazioagaz herritar guztiei egindako inbertsioaren emaitzak ikusteko aukera emon nahi die Udalak.

Hirigintza planeamenduaren aurrerakina aztertu eta haren gainean iuradokizunak egiteko bi hilabeteko epea zabaldu berri du Udalak. Dokumentoa udaletxean zein berriatua.org-n lortu daiteke.

Bariku honetan, 17:00etan, Kofradia Zaharrean aurkeztuko dute Lazaro Larzabal ondarrutar itsasgizonaren bizitza jasotzen duen liburua. 35 urtez Ternuan ibilitako Larzabalen bizipenak Rosa Garcia Orellan antropologo katedradunak jaso ditu liburuan. Onda...

Pasa den domekan antzerkia izan zen, eta datorren zapatuan literatuta eta musika alkar hartuta. Boga! Ibilaldi Kulturalaren egitarauak astero dakar zer edo zer. Herenegungoa antzerki emanaldi arrakastatsua izan zen, Ondarroako Traman&Brix taldearen eskutik. Hauxe da paraderu lana eroan zuten Kafe Antzokiko taula gainera, eta aretoa bere jendek egin zuen txalo eta barre eurekin. ‘Azken hegaldia’, zapatuan Datorren zapaturako, barriz, «berbak bogan» ipiniko dituztela aurreratu dute Ibilaldi Kulturaletik. Unanue Kamara Koraleko kantarien ahotsak eta Joxemari Urteaga idazle eta irakaslearen irakurketa uztartuko dira Azken hegaldia saioan. Kofradia Zaharrean izango da, 20:00etan. Eurekin batera ariko dira Iñaki Maruri pianoan, Iñaki Belaustegi perkusioan, Angel Ituarte kontrabaxuan eta Araitz Antxia klarinetean. Estibaliz Arrizabalagaren zuzendaritzapean jardungo dute Unanue Kamara Koraleko emakumeek. Kanten artean honako idazleen testuak irakurriko dira: Leire Bilbao, Pablo Neruda, Joseba Sarrionandia, Paul Bowles, Miren Agur Meabe, Oier Guillan, Gabriel Garcia Marquez, Omar Jayyam, Sara Balasky eta Cesare Pavese. Hamaika kanta eskainiko dituzte, munduko doinuez jantzita. Tartean, Jabier Ituartek konposatutako bat, eta Leire Bilbaok, Kirmen Uribek eta Joxemari Urteagak idatzitako bana be bai.

Zapatu honetan, 18:00etan, Zabiel kultur etxean umeentzako antzerkia egongo da: ‘Ipuinaren bila’.

Mutrikuko Rock Kolektiboak kontzertua antolatu du zapatu honetarako. Gaztetxean izango da, 22:30etik aurrera. Baionako Willis Drummond taldeak bere azken lana aurkeztuko du, eta ostean Xarma taldeak joko du. Danbaka lehiaketa irabazi berri du Deba Behe...

Hondartza berreskuratzeko eta itsasoko urezko bigarren igerilekua eraikitzeko lanak hasi dira. Amenabar eta Moyua enpresek bateratuta egingo dute obra. Igerilekua eraikitzea izango da egingo duten lehen lana. Dike berria eta bertara joateko bidea lotze...

Eguerditik goizaldera arteko egitaraua prestatu dute zapaturako: 13:00etan, triki-poteoa; 14:30ean bazkaria Gaztetxean eta ondoren bertsolariak. 18:30ean triki-bertso-poteoa. 22:00etan, kontzertua: Kasik (rock, Azpeitia-Azkoitia), Black River (metal, O...

Zapatu honetan odola emateko aukera egongo da Itsasaurren. Bertara joango da odola emoteko unitatea 10:00etatik 13:00etara. Mutrikun, berriz, apirilaren 8an egingo dute hurrengo hartzea, Zabiel kultur etxean, 18:00etatik aurrera.

Amorotoko Herri kandidatueako zerrenda osatzeko gelditzen ziren hiru postuetarako izenak zeintzuk diren argitu dute asteburuan. Azken bozketa izan da. Aurrez auzoka eginak zituzten bozketan eta lehen hiru izenak erbakita zeuden.

Sabadellen izandako Junior mailako Espainiako Txapelketan hirugarren postua lortu zuen Tximista Atletismo taldeko Olatz Egigurenek. Bere marka pertsonala hobetu eta podiumera igo zen mendexarra. Txapelketa bikaina egin zuen Egigurenek Sabadellen. 800 m...

Ohiko lan ildoari jarraitutako 50 piezaz osatutako erakusketa zabaldu barri du Mikel Lertxundi berriatuarrak Bilbon. Naturako elementuak eta materialak batzeko ikus-entzunezkoetaz baliatu da erakusketako pieza zentrala egiteko.

«Egun batetik bestera» hastekoak dira Nasa kaleko 13 eta 19 zenbakien arteko etxeen egitura finkatzeko eta arrakalak konpontzeko lanak. Udal Kudeaketa Batzordearen baimena jasota dauka UTE Dragados-Viuda de Sainz-ek. Martxoaren 1ean hastekoak ziren, baina oraindik ez da mugimendurik egon. «Esan digute lehenengo beharra Telefonicak egin behar duela», esan dute bertako bizilagunek. Lanak hasten direnetik urtebeteko epea edukiko dute amaitzeko Lau urteko bide luze eta korapilotsuaren amaieraren hasiera izango da orduan. Izan be, 2007an mugitu ziren Nasa kaleko eta Kanttoipeko eraikin batzuen zimenduak, Artibai errioaren ezkerraldeko moila zabaltzeko lanei ekin zietenean Eusko Jaurlaritzaren Portuen Zuzendaritzaren aginduz. Lehenengo, finkatu Telefono loturak sartzeko lanaren ondoren, Nasa 13 eta 19 arteko eraikinak finkatzea izango da hurrengo pausoa. Horretarako, mikropilote erako euskarriak sartuko dituzte, eraikinen beheko solairutik, eta azpiko haitzean finkatuko dituzte, habeekin lotuta. Horrela oinarri bat eraikiko dute bertan puntalak finkatzeko; puntal horiengan ezarriko da etxebizitzen karga. Finkatzeko lanen ondoren, eraikinen fatxadak konponduko dituzte, eta ostean etxebizitza zein denda eta lokal barruetan egingo dituzte konponketa lanak. Dendak hustu behar dituzte Nasa kaleko 13 eta 19 zenbakien arteko eraikinetan zazpi denda daude martxan: Urrosolo, Urruzuno, Gili-Gili, Zugarramurdi, Kirrota, Iñaki Añorga eta Zubikarai. Horien barruetan egin behar denez eraikinak finkatzeko lana, nahi eta nahi ez hustu [...]