Iparraldeko Haizeak ailegatuko dira asteburuan
Iparraldeko eta Hegoaldeko ohiturek bat egingo dute asteburu honetan Lekeition. Aittitta Txiki kultur elkarteak egitarau zabala prestatu du hamaikagarren Iparraldeko Haizeak ospatzeko. Urtero legez, bariku goiza umeentzako pentsatu dute, eta aurtengo gaia surfa izango da. Iparraldeko surfista bategaz eta bertoko beste bategaz surf mundua ezagutzeko aukera edukiko dute ume eta gaztetxoek. Gabaz, barriz, Konpainiko elizan, joan den urteko moduan, bertso saioa egongo da. Horrela, 22:30etan hasita, sei bertsolari ariko dira kantuan: Odei Barroso, Aitor Arrizubieta Toko, Amets Arzallus, Maialen Lujanbio, Sustrai Colina eta Xabat Galletebeitia. Bestalde, 19:00etarako deituta zegoen Herrialde Berdea dokumentalaren aurkezpena eta emanaldia atzeratu egin behar izan dituztela jakitera emon dute antolatzaileek. Eragozpenengatik barkamena eskatu dute. Dokumentala bihar barik aurrerago baten eskainiko dute. Azoka Zapatu goizetik eguerdira arte, azoka egongo da plazan, eta bertan, Iparraldeko eta Hegoaldeko produktuak aurkitu ahalko dira. Etxerako erosteagaz gainera, bertan azokan dastatzeko aukera be egongo da. Produktuak probatu bitartean, ardien ile mozte erakustaldia eskainiko du Ipar Arrinda lekeitiarrak. Bi eratara moztuko die ilea ardiei: lehengo erara, artaziekin, eta gaur egunean egiten den modura, makinagaz. Era bietan zelan egiten den azalduko du Arrindak. Danetara sei edo hamabi ardiri ebakiko die ilea, hiru txandatan: 11:00etan, 11:30ean eta 12:00etan. Arratsalde partean, barriz, Iparraldeko dantzak ikusi ahalko [...]
Iparraldeko eta Hegoaldeko ohiturek bat egingo dute asteburu honetan Lekeition. Aittitta Txiki kultur elkarteak egitarau zabala prestatu du hamaikagarren Iparraldeko Haizeak ospatzeko.
Urtero legez, bariku goiza umeentzako pentsatu dute, eta aurtengo gaia surfa izango da. Iparraldeko surfista bategaz eta bertoko beste bategaz surf mundua ezagutzeko aukera edukiko dute ume eta gaztetxoek.
Gabaz, barriz, Konpainiko elizan, joan den urteko moduan, bertso saioa egongo da. Horrela, 22:30etan hasita, sei bertsolari ariko dira kantuan: Odei Barroso, Aitor Arrizubieta Toko, Amets Arzallus, Maialen Lujanbio, Sustrai Colina eta Xabat Galletebeitia.
Bestalde, 19:00etarako deituta zegoen Herrialde Berdea dokumentalaren aurkezpena eta emanaldia atzeratu egin behar izan dituztela jakitera emon dute antolatzaileek. Eragozpenengatik barkamena eskatu dute. Dokumentala bihar barik aurrerago baten eskainiko dute.
Azoka
Zapatu goizetik eguerdira arte, azoka egongo da plazan, eta bertan, Iparraldeko eta Hegoaldeko produktuak aurkitu ahalko dira. Etxerako erosteagaz gainera, bertan azokan dastatzeko aukera be egongo da.
Produktuak probatu bitartean, ardien ile mozte erakustaldia eskainiko du Ipar Arrinda lekeitiarrak. Bi eratara moztuko die ilea ardiei: lehengo erara, artaziekin, eta gaur egunean egiten den modura, makinagaz. Era bietan zelan egiten den azalduko du Arrindak. Danetara sei edo hamabi ardiri ebakiko die ilea, hiru txandatan: 11:00etan, 11:30ean eta 12:00etan.
Arratsalde partean, barriz, Iparraldeko dantzak ikusi ahalko dira plazan. Bertan egongo dira Baigorriko Arrola eta Lekeitioko Etorkizuna dantza taldea be. Ondartzabal baporera joan beharko da ondoren, Erramun Martikorenaren eta Mikel Markezen kantaldia entzuteko.
Gisau txapelketa
Domekan segituko du jaiak. Urtero moduan, herriko koadrila asko batzen dituen gisau txapelketa egingo da. Eskolapean eta tabernen inguruan batuko dira parte- hartzaileak, jakirik goxoena nork prestatu lehiatzeko. Sari banaketa 18:00etan izango da, Eskolapean bertan.
Egitaraua:
Ekainak 3, barikua
11:00. Udaletxeko eskaileretan Eskolako eta Ikastolako gaztetxoak batu eta argazkia aterako dute.
11:30. Hitzaldia Azkue aretoan. Gaia: surfa.
13:00. Bazkaria plazan.
14:00. Surf tailerra Karraspioko hondartzan.
22:30. Bertso Saioa Konpainiko elizan. Bertsolariak: Amets Arzalluz, Sustrai Colina, Odei Barroso, Maialen Lujanbio, Xabat Galletebeitia eta Aitor Arrizubieta ‘Toko’. Gai-jartzailea: Natxi Aranburu.
Ekainak 4, zapatua
10:30. Azoka berezia plazan: Iparraldeko eta Hegoaldeko produktuak salgai.
11:00-11:30-12:00. Ardi mozketa erakustaldia.
12:00. Produktu dastaketa azokan.
18:30. Kalejira Etorkizuna Dantza Taldeagaz: Trinketetik plazara.
19:00. Baigorriko Arrola eta Lekitxoko Etorkizuna Dantza taldeen emanaldia plazan.
20:30. Erramun Martikorena eta Mikel Markezen kantaldia
Ondarzabal baporean.
21:00. Zpeiz Mukaki taldearen kalejira.
Ekainak 5, domeka
10:00. Taberna-koadrillen arteko Gisau Txapelketa Eskolapean eta tabernen inguruan.
11:30. Baigorriko gaiteroak kalerik kale.
12:30. Dantza emanaldia Eskolapean.
13:00. Aittitta Makurra Txaranga eta Joaldunak kalerik kale.
13:30. Eskolapean gisauen aurkezpena eta epaileen dastaketa.
15:00. Bazkaria Eskolapean eta tabernen inguruetan.
18:00. Sari banaketa Eskolapean, Aittitta Makurra Txarangak animatuta.
Ondoren. Tinbaleroak.
