Pisu libreko idi probak lehiatuko dira urriaren 7an eta 9an Etxebarriko probalekuan. Parte hartzeko izena domekan emon behar da, 12:00etatik 13:00etara udaletxera deituta: 94-616 64 32 telefono zenbakira deituta.
Karkabia kultur elkarteak ikastaro eskaintza zabala prestatu du aurtengo ikasturteari begira. Argazki kodeak tailerra, gorputz adierazpena, dantza garaikide eta antzerki tailerra, mugimendu askerako tailerra, sabel dantza, eta multi zirko tailerra jarr...
Ein Daigun Bidi herri ekimenak pare bat hilabete daroaz martxan Ondarroan. Orain, aurkezpena egiteko momentua ailegatu da. Zapatuan izango da, Itsasaurre plazaren bueltan. Antolatzaileek jakitera emon dutenez, aurkezpenak ez du «betiko itxura» edukiko. Ohiko agerraldietatik aparte, kalejira bizia, koloretsua, zaratatsua eta alaia egingo da. Hasiera, gainera, ez da Itsasaurren izango. Kalejira Kamiñazpitik aterako da, 12:30ean, besteak beste, hankapalu eta buruhandiekin. Isiltasunaren aurrean, zarata «Herritarrak gonbidatu nahi ditugu kalejirara txistuekin, turutekin, burduntzaliekin, lapikoekin eta tapekin etortzera». Balkoietatik begira daudenei be egin diete eskaria. «Tapak jotzera animatu nahi ditugu kalejira pasatu ahala». Itsasaurre plazan segituko du ekimenak, koadrilen arteko herri kirolekin. Pintxoak eta sagardo kupela be egongo dira jai eremuan, ekimena borobiltzeko. Zapatuko aurekezpen deia sarean be badago ikusgai: http://eindaigunbidi.blogspot.com/2011/09/adi-irailak-1-larunbata-jai-handixe-eta.html Ein Daigun Bidi Gernika Akordioaren ondorioz euskal preso eta iheslarien eskubideen alde sortutako Egin dezagun bidea ekimenaren harira hasi zen martxan Ondarroan, udan.
Jon Maiak zuzendutako Apaizac Obeto dokumentala emongo dute barikuan, 20:00etan Azkue Aretoan. Abentura eta historia. Zer garen ulertzeko ezinbestekoa ez ezik, itsasoa kultura eta memoria putzu sakona dela aldarrikatu nahi duen dokumentala da Apaizac Obeto espedizioa, azken balea txaluparen kondaira. Pasaian eraikitako azken euskal balea txalupa honek, nabigazio arkeologikoaren bidez, ipar ameriketako historia ofizialetik kanpo dagoen euskal arrantzale haien mende beteko arrasto garrantzitsua lanbro artetik argitara aterako du: balearen lehenengo industria, euskararen eragina, ipar ameriketako natiboekin harremanak, marinelen eguneroko bizitza,…
Ohiturazko ekitaldiekin eta ikuskizun barriekin osotu du aurtengo egitaraua Arretxinagako Jai Batzordeak. Horrela, Xemeingo Ezpata Dantza, Aurreskua eta Mahai Gainekoa dantzatuko ditu Zerutxu dantza taldeak, Los Cinco Bilbainos kantariak be barriro datoz Arretxinagako plazara, eta Esteibarren erromeria be ez da faltako. Gazteei begira antolatutako kontzertuetan, barriz, Etxebarriko Sarekada taldea eta Ze Esatek taldea egongo dira, eta Mirari Azkune eta Oihana Uranga Aire Aire taldeko markinarrek jarriko diote festa giroa barikuari. Trindoor Musika, jolasak, txokolate jan eta tortila txapelketagaz gainera, kirolak be edukiko du bere tartea. Halan, zapatuan, mendi bizikleta martxa egingo da Arretxinaga inguruetatik, eta domeka arratsaldean eskualdeko hiru triatloi taldeak ¬Markina-Xemeingo Alarabi, Lekeitioko Garraitz eta Ondarroako Koaxi¬ alkartuko dira Trindoor saio berezia eskaintzeko. Horietaz gainera, talde Vip deitu diotenak be parte hartuko du. Talde horretan daude Felix Espilla zesta-punta jokalari profesional ohia, Igor Romero Caja Rural taldeko txirrindulari mutrikuarra eta Oihana Kortazar mendi lasterketen Munduko Kopako txapelduna. Hiru proba egingo dituzte partaideek, erreleboka: arraunean, bizikletan eta aringa-aringa. EGITARAUA: Martitzena 19:00. Hirurrena Arretxinagako baselizan. Eguaztena 19:00. Hirurrena Arretxinagako baselizan. Eguena 11:00. Meza nagusia Jarraian. Zerutxu dantza taldeak, Xemeingo ezpata dantza eta aurreskua dantzatuko ditu. 13:00. Los Cinco Bilbainos. 17:00.Gymkana umeentzat. Jarraian. Gorriti eta bere animaliak. Ondoren. Buruhandiak eta txokolate jana. [...]
Amorotoarrek ez dute aurten be San Miguel eguna ospatu barik utziko. Goizean egunaren izen bera daraman ermitaren bueltan batuko dira, eta arratsaldean be egongo da zereginik. Mezagaz hasiko dute ospakizuna, 11:30ean. Ostean, kopauaz gozatzeko aukera e...
Bost urte pasa dira Ispasterren Koadrila Eguna ospatzen hasi zirenetik. 2007an Jai Batzordearen iniziatibaz ekin zioten herritarrak norbere taldean eta herritarrak elkarregaz batzeko ospakizuna, eta gaur egun, herrian oso errotuta dagoen jai egun bihurtu da. Koadrila Eguna, gainera, egutegiko egun zehatz baten bueltan jarria dago; San Miguel Egunean. «Herriko zaindaria da. Aintzina, indar handia zeukan ospakizun horrek. Eta horregatik aukeratu be egin zen egun hori, edo egun horren buelta behintzat», azaldu du Jesus Lekerikabeaskoa alkateak. «Lehen bi urtetan baserri feria be egin genuen. Horregaz barriro hastea da eskuartean darabilgun asmoetako bat, baina datorren urtean izan beharko da». Bestelakorik be egiten duten arren, zapatukoa bazkariaren inguruko jaia dela esan daiteke. Haren prestaketarako biltzen dira koadrilak eta nor baino nor aritzen dira bata besteagaz lehia sanoan, lehia alaian. Trikitilariekin poteatu ostean, frontoian biltzen dira prestatutakoaz gozatzera. Adin guztietako 12 kuadrila inguru biltzen dira egunerako herrian. «Herritarren arteko harremena sendotzeko be balio du egun honek. Aurten 273 lagun izango dira frontoian; gazte, heldu, zahar… Denak ondo pasatzeko asmoagaz», adierazi du jai batzordeko kide Iratxe Larrinagak. Eta jan-edana jeisten laguntzeko, beste zenbait ekintzen artean, aurten be, ez da faltako Santa Anatxu egunean jaiotako soka saltoa. «Ohitura bihurtzen hasia dago, eta ezin ba kendu», dio [...]
Ikasturte politikoa hasteagaz batera, Markina-Xemeingo herritarrei dituzten asmoak ailegarazi nahi izan dizkie udal agintean dagoen Bilduk. Herritarren parte hartzea helburu, nbat ekintza burutzen dabiltzala jakitera emon dute. “Hilabetero osoko ...
Final zortzirenetan hasi zuen Gipuzkoako Bertsolari Txapelketako ibilbidea, Andoainen, Aitzol Astigarragak (Mutriku, 1976). Epaile taldean dabil ordundik. Zapatuan Elgoibarren daukate eginda hitzordua. 14 epaile zabiltzate Gipuzkoako Bertsolari Txapelketan. Hala da. Ez da kopuru handia, eta saiatzen gara lan karga arintzen. Lehen zatian batzuk ibili ziren, tartean Eneritz Azkue mutrikuarra. Eneritz final laurdenetan sartuko da berriz epaile lanak egitera. Ni final zortzirenetan nabil orain, eta gero, finalerdietan ariko naiz. Finalera begiratuta, batu egingo gara guztiok, eta esperientzia-eta kontuan hartuta, bost aukeratuko ditugu. Prestakuntza be jaso zenuten… Aurreko txapelketatik hona ez du etenik izan epaile taldeak. Maiztasun batekin batu izan gara, orduan, beti mantendu dugu elkarrekin hartu-emona. Txapelketa honi begira, orain urtebete hasi ginen lanean. Zelan konpontzen zarete? Ondo. Elkarrekin ordu asko pasa izanak prestakuntzan zerikusia dauka. Lagun giroa dago. Aurkikuntzarik egin duzu oholtza gainean? Bat baino gehiago egon dira. Ez dakit esan daitekeen aurkikuntzak direla. Bertsolari guztiak ezagutzen ditugu, maiatzean erakutsi zuten batzuek zertarako gai ziren, eta beste batzuk orain ari dira erakusten. Egia esan, polita da ikustea maiatzeko fasean sailkatu zirenak orain maila altuagoa ematen, lehendik sailkatutako bertsolariekin batera. Maila hau koxka bat gorago dago, ikusle gehiago, exijentzia handiagoa. 18-19 urteko gazteak zelan moldatzen diren ikustea bada polita. Gpuntuak harrapatu [...]
Martxoan Zuberoako Gotaine-Irabarnen ospatutako Xiru jaialdian egindako Maskarada berdinagaz gozatzeko aukera egongo da zapatuan Arretxinagan. Ander Lipus zuzendari eta aktorearen eskutik joan zen bertara Markina-Xemeingo Abarka antzerki taldea, eta or...
http://gernika-lumo.hitza.eus/2011/09/28/zenigaonaindiaren-kontrako-polizia-erasoak-ikertzeko-eskatu-dute-gernika-lumoko-eta-aulestiko-udalek/
Ikasturte barria martxan jartzeko, irteerak egiteaz gain, aurten be, hainbat ikastaro antolatu ditu Kuku-Habixa Elkarteak. Urrian hirugaz hasiko dira: euskal dantzak, pilota eta pilates. Azaroan, ostera, beste bi jarriko dituzte martxan: antzerkia eta informatika. Urrirako, aurreko urtetan arrakasta izan duten ikastaroei eustea izan da Kuku-Habixa Elkarteak hartutako erabakia. «Jendea gustura aritu denez, jarraipena emon nahi izan diegu. Hiruetan arrakasta handiena duena baina, euskal dantzen ikastaroa da». Ikastaro horretan, herriko dantza taldea prestatzen da. «Parte hartzen duten guztiek ez dute plazara urten nahi izaten. Halan eta be, aurten bi talde edukiko ditugu: nagusiena eta umeena». Herriko dantza taldeak urtean hiru saio egiten ditu: ihauterietan, herriko jaietan eta, iaztik, baita Gabonetan be. Dantzen ikastaroa urriaren 9an hasiko da, eta hasieratik izan den bezala, Nerea Alzibar ondarrutarra izango dute irakasle. Pilota ikastaroaren arduraduna, ostera, Luzio Laka mendexarra izango da. Pilotari ohiak nagusi zein gazteen taldeekin egingo ditu saioak bariku iluntzetan. «Ez dira txapelketetara eta horrelakotara joaten. Euren artean aritzen dira. Barikuei kolorea emoten diete, jokatuaz eta ondo pasatuaz». Pilotako lehen saioa urriaren 7an izango da. Pilates saioak izango dira baina, lehen hasiko direnak: lehen saioa urriaren 4an izango da. Barikuetan, 16:30etik 20:00etara izango dira klaseak, udaletxeko teilatupean. Euskal dantzetan edota pilotan izena emoteko [...]
Bizitzak gehien maite zuenetik bizitzeko aukera eman zion Agustin Arrietari (1944-2011). «Musika dena da niretzat», zioen berak. Eta biziari agur esan dionean ere, musika izan du bidelagun. Herritar asko eta asko bildu ziren herriko bandaren historian ziklo bat markatzeko gai izan zen gizona agurtzera. Han eta hemendik etorritako lagunak ere hainbat izan ziren. Izan ere, Arrieta pertsona berezia izan zen askorentzat. Elizkizunean, azken urteetan zuzendu duen elizako koruaren kantuek agurtu zuten; berak hainbestetan dantzan jarritako Gure Ametsa Taldekoek Agurra dantzatu zioten txistularien laguntzarekin, eta bandak berak oso gogokoa zuen piezetako bat eskaini zion: Viajera. Izaera handikoa, alaia, gardena, zuzena, umoretsua, bihotz handikoa, eskuzabala. Horiek eta horrelako beste hainbat hitz izan ziren jendeak harengan pentsatzean esaten zituenak. Jendearekin konektatzeko ahalmena zeukan, eta horrela lortu zuen bizitzan zeukan helburuetako bat: banda berpiztea. Jendearekin, baina, bereziki, bere musikariekin zuen harremana hitzekin azaltzea ez da erraza, baina entsegu baten ondoren, kalean elkarrekin¬ edota Piñastei Egunean, zer esanik ez¬ ikusi dituen edonork daki haien artean lotura berezia zegoela. «Guretzat, guztiontzat, zuzendaria baino gehiago zen. Osaba Agustin zen», dio bandako kide batek. «Barre asko egiten genuen. Entseguak, baina, sakratuak ziren». 2008an profesionalki agur esan zion hainbeste poz, kezka, buruhauste eta momentu on eman zizkion bandari. Merezitako [...]
Irailera bitartean, Lekeitioko Udalean agintean dagoen Bildu koalizioak arau subsidiarioak eta epaitegietan eta udalean zeuden auzi batzuk geldiarazi ditu, «aztertu bitartean edo aldeen arteko adostasuna lortzeko asmoz». Osoko bilkurak arratsaldeetar...
Zierdamendin, Etxebarria eta Elgoibar arteko pagadian bat egin zuten domekan, hainbat lagunek, 1936an bertan hildakoei omenaldia egiteko. 75 urte betetzen ziren, Diaz de Riveraren indar faxistak, Nafar Brigadetan antolatutako erreketeen indarragaz bate...
Saioa hasten baduzu, HITZAkide izatearen abantailak baliatu ahal izango dituzu.
HITZAkide naiz, baina oraindik ez dut kontua sortu SORTU KONTUA
Zure kontua ongi sortu da.
Hemendik aurrera, zure helbide elektronikoarekin eta pasahitzarekin konektatu ahal zara, HITZAkide izatearen abantaila guztiak baliatzeko.
Ezagutu HITZAkide izatearen abantailak eta aukeratu HITZAkide izateko gustuko modalitatea
HITZAkide izan nahi dutTokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
HITZAkide izan nahi dut
