Beste urtebete goian
Caja Ruralekin urtebete gehiagorako kontratua edukiko du Igor Romerok. Kontratua berritzearen albistea «pozik» jaso du herriko txirrindulari gazteak. Caja Rural taldearekin lortu zuen Romerok profesionaletara bueltatzea. Eta haiek, berriro ere, bere ...
Caja Ruralekin urtebete gehiagorako kontratua edukiko du Igor Romerok. Kontratua berritzearen albistea «pozik» jaso du herriko txirrindulari gazteak. Caja Rural taldearekin lortu zuen Romerok profesionaletara bueltatzea. Eta haiek, berriro ere, bere aldeko apustua egin dutela ikustea «albiste ezinhobea» izan da Romerorentzat. «Taldea asko aldatu da; txirrindulari asko joan dira eta berriak etorri. Horrek beti sortzen du duda apurra». Romerok denboraldi berrirako «gogotsu eta indartsu» sentitzen dela adierazi du. «Denboraldia bukatu aurrean, indarrez hustuta nenbilen, eta lehiatik kanpo entrenatzen aritu naiz», gogoratzen zuen. «Datorren denboraldirako prestatu beharra daukat». Denboraldi berrirako prestaketak, ordea, ez dira azarora arte hasiko. Horren aurretik taldearekin kontzentratuta egongo da hiru egunez, urriaren 20tik 22ra. «Taldekideak elkar ezagutzeko aukera edukiko dugu, baina hurrengo urterako taldearen planteamendua zein den azalduko digute, batez ere. Lanerako prest nago ni».
