Katu Baltz Erakusleiho Lehiaketa bihar hasiko da martxan
Azaroaren 5ean ospatuko den Katu Baltz egunagaz lotuta, erakusleihoen lehiaketa egingo da aurten be. Parte hartu nahi dutenek biharko atondu behar dituzte erakuslehioak. Aurtengo Katu Baltz erakusleihoen lehiaketako gaia, herensugea izango da. Beraz, g...
Azaroaren 5ean ospatuko den Katu Baltz egunagaz lotuta, erakusleihoen lehiaketa egingo da aurten be. Parte hartu nahi dutenek biharko atondu behar dituzte erakuslehioak.
Aurtengo Katu Baltz erakusleihoen lehiaketako gaia, herensugea izango da. Beraz, gai horregaz harremana duen apainketa prestatu beharko dute parte hartzaileek.
Betiko legez, herritarrak izango dira erakusleiho onena aukeratuko dutenak. Herriko bost koadriletako kideek erabakiko dute zein den aurtengo dotoreena, eta apainketa, erabilitako materiala eta aurtengo gaiagaz duen lotura baloratuko dituzte.
Katu Baltz egunean bertan jakitera emango dute 2011ko irabazlea. Eskulan tailerrak egindako kristalezko Katu Baltz-aren figura eta bi lagunentzako afaria lortuko ditu.
