Mauthausen egon zen Jose Maria Agirreren bizipenak, gogora
Garaian kultur elkarteak antolatuta, Memoria i oblit d’una guerra telebista saileko dokumental bat emongo dute barikuan, 20:00etan, Uhagon kulturgunean. Dokumental horretan, 36ko gerran eta bigarren mundu gerran hainbat kontzentrazio esparrutan egon zen Egixarre baserriko Jose Maria Agirre agertzen da. Memòria i oblit d’una guerra dokumentalez osatutako telebista saioa da. Bertan, Mallorca uhartean (Balearrak), 36ko gerran gertatutakoak kontatzen dira. Bertako historialarien laguntzagaz, ahozko testigantzen bidez, garaiko argazkiekin lagunduta eta argitaratu barik dauden hemeroteketako dokumentazioari esker, historia hurbileko garairik latzenetako bat dakarte gogora. Jose Maria Agirre Jose Maria Agirre Salaberria (Markina, 1919-Palma, 2009) Mauthausen kontzentrazio esparrutik bizirik atera zen euskalduna izan zen. Markinan jaioa bazen be, Irunen bizi izan zen umetatik. Espainiako Gerra Zibila hasi zenean, familia osoa Hendaiara joan zen, eta bertan zegoela, Herrialde Katalanetara joatera behartu zuten. Miliziano bilakatu eta San Pedro Martir muinoan eta Sant Feliun borrokatu zuen. 1939an, muga zeharkatu zuen. Frantzian Saint-Cyprien eta Gurs kontzentrazio esparruetan egon zen. Gursetik Septfondsera eroan zuten, eta handik Maginot lerroan behar egitera. 1940an naziek harrapatu eta Estrasburgoko esparrura eroan zuten. Urte hartako abenduaren 13an Mauthausenera eroan eta 4553 zenbakia emon zioten. Ternberg eta Redl-Zipf azpiesparruetan eta Kommando Cesarren be egon zen, eta Ebenseera eroaten ari zirenean, aliatuek askatu egin zuten. 1950eko [...]
Garaian kultur elkarteak antolatuta, Memoria i oblit d’una guerra telebista saileko dokumental bat emongo dute barikuan, 20:00etan, Uhagon kulturgunean. Dokumental horretan, 36ko gerran eta bigarren mundu gerran hainbat kontzentrazio esparrutan egon zen Egixarre baserriko Jose Maria Agirre agertzen da.
Memòria i oblit d’una guerra dokumentalez osatutako telebista saioa da. Bertan, Mallorca uhartean (Balearrak), 36ko gerran gertatutakoak kontatzen dira. Bertako historialarien laguntzagaz, ahozko testigantzen bidez, garaiko argazkiekin lagunduta eta argitaratu barik dauden hemeroteketako dokumentazioari esker, historia hurbileko garairik latzenetako bat dakarte gogora.
Jose Maria Agirre
Jose Maria Agirre Salaberria (Markina, 1919-Palma, 2009) Mauthausen kontzentrazio esparrutik bizirik atera zen euskalduna izan zen. Markinan jaioa bazen be, Irunen bizi izan zen umetatik. Espainiako Gerra Zibila hasi zenean, familia osoa Hendaiara joan zen, eta bertan zegoela, Herrialde Katalanetara joatera behartu zuten. Miliziano bilakatu eta San Pedro Martir muinoan eta Sant Feliun borrokatu zuen. 1939an, muga zeharkatu zuen.
Frantzian Saint-Cyprien eta Gurs kontzentrazio esparruetan egon zen. Gursetik Septfondsera eroan zuten, eta handik Maginot lerroan behar egitera. 1940an naziek harrapatu eta Estrasburgoko esparrura eroan zuten. Urte hartako abenduaren 13an Mauthausenera eroan eta 4553 zenbakia emon zioten. Ternberg eta Redl-Zipf azpiesparruetan eta Kommando Cesarren be egon zen, eta Ebenseera eroaten ari zirenean, aliatuek askatu egin zuten. 1950eko hamarkadan Mallorcara joan zen bizitzera, eta hotel bat zuzendu zuen. Bertan hil zen, 2009an.
Bihar Uhagonen ikusi ahal izango den dokumentalean bere bizipenak jaso zituzten. Dokumentala Balearreetan kokatzen da, eta katalanez eginda dago. Beraz, hasi orduko, Garaian elkarteko kideek azalpenak emongo dituzte, dokumentala «ondo» ulertu dadin.
