Oinezkoek izango dute lehentasuna Larrotegin
Oinezkoei eta bizikletei lehentasuna emoteko asmoz, zirkulazioa mugatzeko asmoa dauka Lekeitioko Udalak Larrotegi auzoan. Auzokoekin adostu ondoren, Larrotegi birgaitzeko proiektua burutuko du udalak urtea amaitu orduko. Auzoaren berrantolaketaren bai...
Oinezkoei eta bizikletei lehentasuna emoteko asmoz, zirkulazioa mugatzeko asmoa dauka Lekeitioko Udalak Larrotegi auzoan. Auzokoekin adostu ondoren, Larrotegi birgaitzeko proiektua burutuko du udalak urtea amaitu orduko. Auzoaren berrantolaketaren baitan, saneamendu-sarea, argiteria, eta espaloiak be barrituko dituzte, eta autobusen geltokia egokituko dute. Hori guztia aurrera eroateko, 800.000 euroko aurrekontua aurreikusten du udalak, eta horretarako, Eusko Jaurlaritzak arrantzaren menpe dauden zonaldeak hobetzeko, bergaitzeko eta berpizteko emoten dituen Itsaspen programaren barruko 400.000 euroko diru-laguntza izango du. «Iaz eskatu zen laguntza, baina ez zen auzokoekin adostasun batera ailegatu, eta aurten luzapena eskatu dugu proiektua burutu ahal izateko», azaldu du alkateak.
