300 lagun baino gehiagok parte hartuko dute domekan Arnoko Mendi Lasterketan
«Oso pozik gaude erantzunarekin. Aurten, inoiz ez bezala, izen-ematea arrakastatsua izan da». Horrelaxe adierazi dute Mutrikuko Burumendi Mendi Elkarteko kideek etzi egingo den Arnoko VIII. Mendi Lasterketa eta Ibilaldiak eduki duen oihartzuna. 150 lagunek egingo dute ibilbidea saltaka eta 168 izango dira oinez egingo dutenak. «Saltaka egin nahi dutenen zerrendan batzuk kanpoan utzi behar izan ditugu. Izan ere, 150 pertsonak parte hartu dezakete, gehienez ere. Eta jende gehiagok izena eman nahi bazuen ere, lasterketatik kanpo geratu behar izan dira». Oinez egingo dutenak ere ez direla gutxi adierazi dute antolatzaileek. «Oso pozik gaude ekimenak eduki duen erantzunarekin. Gainera, kontuan hartu behar dugu, asteburu honetan Hiru Handiak proba ere egingo dela eta batzuk bertan parte hartuko dutela, laguntzen edo lehiatzen». 22 kilometroko ibilbidea Ibilbidea ere ondo-ondo zehaztuta dauka Burumendik: Mutriku (Goiko Plaza)-Kalbaixo-Arno- Ostolamendi-Katei-Burgo-Saturraran-Galdona-Mutriku. Guztira 22 kilometroko luzera dauka ibilbideak. Saltaka egingo dutenak 10:00eta irtengo dute Goiko Plazatik. Oinez egingo dutenak aldiz 08:00etan daukate irteera ordua, leku beretik. Saltaka egiteko parte hartzaileen zerrenda itxita badago ere, egunean bertan ibilaldian parte hartu nahi duenak izena emateko aukera edukiko du. Horiek 13 euro ordaindu beharko dute. Aurreko urteetako txapelketak kontuan hartuta, momentuz, lasterketako errekorrak Zugaitz Ezpeleta eta Oihana Kortazarrek dituzte. «Ezpeletak ordu bat 36 minutu [...]
«Oso pozik gaude erantzunarekin. Aurten, inoiz ez bezala, izen-ematea arrakastatsua izan da». Horrelaxe adierazi dute Mutrikuko Burumendi Mendi Elkarteko kideek etzi egingo den Arnoko VIII. Mendi Lasterketa eta Ibilaldiak eduki duen oihartzuna.
150 lagunek egingo dute ibilbidea saltaka eta 168 izango dira oinez egingo dutenak. «Saltaka egin nahi dutenen zerrendan batzuk kanpoan utzi behar izan ditugu. Izan ere, 150 pertsonak parte hartu dezakete, gehienez ere. Eta jende gehiagok izena eman nahi bazuen ere, lasterketatik kanpo geratu behar izan dira». Oinez egingo dutenak ere ez direla gutxi adierazi dute antolatzaileek. «Oso pozik gaude ekimenak eduki duen erantzunarekin. Gainera, kontuan hartu behar dugu, asteburu honetan Hiru Handiak proba ere egingo dela eta batzuk bertan parte hartuko dutela, laguntzen edo lehiatzen».
22 kilometroko ibilbidea
Ibilbidea ere ondo-ondo zehaztuta dauka Burumendik: Mutriku (Goiko Plaza)-Kalbaixo-Arno- Ostolamendi-Katei-Burgo-Saturraran-Galdona-Mutriku. Guztira 22 kilometroko luzera dauka ibilbideak.
Saltaka egingo dutenak 10:00eta irtengo dute Goiko Plazatik. Oinez egingo dutenak aldiz 08:00etan daukate irteera ordua, leku beretik. Saltaka egiteko parte hartzaileen zerrenda itxita badago ere, egunean bertan ibilaldian parte hartu nahi duenak izena emateko aukera edukiko du. Horiek 13 euro ordaindu beharko dute.
Aurreko urteetako txapelketak kontuan hartuta, momentuz, lasterketako errekorrak Zugaitz Ezpeleta eta Oihana Kortazarrek dituzte. «Ezpeletak ordu bat 36 minutu eta hogei segundo behar izan zituen ibilbidea amaitzeko».
Zaleak prest daude. Parte-hartzaileak ere gertu daude eta herria urteko hitzordu garrantzitsua jasotzeko listo dago. Osagai guztiak kontuan hartuta, dena prest dago Mutrikun domekan urteko kirol ekintza arrakastatsuena arrakastaz ospatzeko.
