Martxan dago Mutrikuko jai batzordea
Jai batzordeak hasi du ibilbidea. Mutrikuko Rock Kolektiboa, Mutrikuko Gazte Asanblada, Txantxangorri aisialdi taldea, Ze esateu? gazte mugimendua, Herrira! mugimendua eta beste zenbait herritar ari dira lanean, beti ere Herriko Tabernarien eta Mutriku...
Jai batzordeak hasi du ibilbidea. Mutrikuko Rock Kolektiboa, Mutrikuko Gazte Asanblada, Txantxangorri aisialdi taldea, Ze esateu? gazte mugimendua, Herrira! mugimendua eta beste zenbait herritar ari dira lanean, beti ere Herriko Tabernarien eta Mutrikuko Udalaren laguntzarekin.
Hala eta guztiz ere, herritarrei dei egin diete parte hartzera anima daitezen: “Gure ateak zabalik daude herritar guztientzat. Nahi dutenek parte hartu dezakete jai batzordean”. Hori dela eta, egingo diren bilera guztien berri ematen joango dira herritarrei. Hurrengo bilera datorren ostiralean, hilak 21, izango da, 18:00etan, Gaztetxean.
Besteak beste, aurten berrikuntza bat sartu dute Herritxarron Malen Jaixen barnean. Orain arte, herriko hainbat lagunek diseinatu izan dute jaietako kartela, eta aurtengoan herritar guztiei aukera eman nahi izan diete, kartel lehiaketa antolatuz. Edozein herritarrek parte hartu ahalko du lehiaketa horretan. Oinarriak zein sariak udalaren weborrian zein Mutrikuko Gazte Asanbladako blogean daude: http://zaataka.blogspot.com. Zalantzarik izanez gero, hurrengo helbide elketronikora idatz dezakete interesatuek: mutrikukogaztetxia@hotmail.com. Kartel lehiaketan parte hartzeko azken eguna ekainaren 29a da.
