Igor Urresti atxilotu dute Ondarroan, ETAri laguntzea egotzita
Atzo gauean, gauerdian, atxilotu zuten Urresti, eta bere etxea be miatu egin du Espainiako Poliziak. Urresti inkomunikatzeko agindua eman du Javier Gomez Bermudez epaileak. Madrilera eraman aurretik Bilbora eramango dute, mediku batek ikus dezan. “Erakunde terroristaren laguntzaile” izatea leporatzen diote, Espainiako Barne Ministerioak jakinarazi duenez. Etxea miatzean dokumentu ugari eta informatika tresnak eraman dituzte Urrestiren etxetik. Poliziak bost orduz aritu dira miaketa egiten, gauerditik goizaldeko bostak arte. Poliziako iturriek berri agentziei azaldu dietenez, gaur gauean Madrilera eramango dute, Espainiako Poliziaren komisaria batera. Lehenago, Bilbora eramango dute sendagile batek ikus dezan. Auzitegi Nazionaleko epaile Javier Gomez Bermudezek inkomunikazioa ezarri dio. Senitartekoak Bilbon egon dira gaur goizean, Kepa Manzisidor abokatuaren bulegoan. Ez abokatuak, ez senideek, ez dute eduki jakiterik atxilotua non dagoen. Abokatuaren bitartez, Urresti konfiantzazko sendagile batek ikusteko eskaria bideratu du gaur bertan. «Nire anaia sendagilea da, eta forenseagaz batera bada be, anaiak Igor ikustea eskatu dugu», azaldu du Urrestiren osaba batek, gaur, abokatuaren bulegotik atera ostean. Bihar goizean da joatekoa Espainiako Auzitegi Nazionalera (Madril, Espainia) Kepa Manzisidor abokatua, Urresti non dagoen jakin asmoz. Atxiloketa salatzeko gaur, 20:00etan, hitzordua jarri dute Alamedan. Atxiloketa salatu eta Urrestiri babesa erakusteaz gain, momentura arte dagoen informazioa be plazaratuko dute. Barikuan, 19:00etan, Gernikako akordioa sinatu [...]
“Erakunde terroristaren laguntzaile” izatea leporatzen diote, Espainiako Barne Ministerioak jakinarazi duenez. Etxea miatzean dokumentu ugari eta informatika tresnak eraman dituzte Urrestiren etxetik. Poliziak bost orduz aritu dira miaketa egiten, gauerditik goizaldeko bostak arte.
Poliziako iturriek berri agentziei azaldu dietenez, gaur gauean Madrilera eramango dute, Espainiako Poliziaren komisaria batera. Lehenago, Bilbora eramango dute sendagile batek ikus dezan. Auzitegi Nazionaleko epaile Javier Gomez Bermudezek inkomunikazioa ezarri dio.
Senitartekoak Bilbon egon dira gaur goizean, Kepa Manzisidor abokatuaren bulegoan. Ez abokatuak, ez senideek, ez dute eduki jakiterik atxilotua non dagoen. Abokatuaren bitartez, Urresti konfiantzazko sendagile batek ikusteko eskaria bideratu du gaur bertan. «Nire anaia sendagilea da, eta forenseagaz batera bada be, anaiak Igor ikustea eskatu dugu», azaldu du Urrestiren osaba batek, gaur, abokatuaren bulegotik atera ostean. Bihar goizean da joatekoa Espainiako Auzitegi Nazionalera (Madril, Espainia) Kepa Manzisidor abokatua, Urresti non dagoen jakin asmoz.
Atxiloketa salatzeko gaur, 20:00etan, hitzordua jarri dute Alamedan. Atxiloketa salatu eta Urrestiri babesa erakusteaz gain, momentura arte dagoen informazioa be plazaratuko dute.
Barikuan, 19:00etan, Gernikako akordioa sinatu zutenek agerraldia egingo dute Ondarroako Udaleko batzar aretoan.
Urrestiren atxiloketarekin, 27 dira ETArekin nolabaiteko lotura izatea egotzita aurten atxilotutako euskal herritarrak. 
