30 urte pasatu dira Kristina Jaiok Markina-Xemeinen Kriss ileapaindegia zabaldu zuenetik hona. Urte guzti horietan ileapaindegiak eduki duen garapena eta aldaketak zabal kontatu ditu Jaiok.
30 urte bete ditu ileapaindegiak. Zer aldatu da urte horietan?
Hasiera bakarrik nengoen eta gizonezkoei ilea mozten hasi nintzen. Gero, gutxinaka, emakumezkoak eta umeak hartzen hasi nintzen. Orain, gure bezero nagusienak emakumezkoak dira. Lehen nahiko antzerako gauzak egiten genituen. Orain, ostera, gauza ezberdinak egiten saiatzen gara. Teknika aldetik eta aldaketa asko egon dira. Lehen bezeroak ulea moztera eta kolorea emotera etortzen ziren, beste barik. Orain ostera, tratamenduak eta beste eskaintza batzuk ditugu. Produktuen kalitatea be asko hobetu da. Duela urte batzuk hau esaten nuen: «Kriss-en ilea be moztu egiten dugu». Esaldi hori da gure eskaintza zabalaren erakusle.
Zein etxegaz behar egiten duzue?
Wella asko erabiltzen genuen. Orain aldiz gutxiago erabiltzen dugu. Gero beste marka bat dago, niri asko gustatzen zaidana: Sassoon. Sebastian be asko erabiltzen dugu. Dena dela, ni beti nago aldatzeko prest.
Eskaintza berezirik badaukazue?
Guk tratamendu asko egiten ditugu. Izan be, dagoen kutsadura maila altuagaz edota ilean lan tekniko bat egin aurretik, kolorea emon esaterako, komenigarria da tratamendua egitea. Kolorea ematen ez denean be, norbere ileari distira emateko balio dezakete tratamenduek. Denaren gainetik prezio berdinean, edo antzerakoan, ileari kalitate onagoa ematen saiatzen gara. Kolorea eman aurretik ostera, batzutan, tratamendua egiten dugu, ilea hobeto geratzen delako, osasuntsuago. Gero bestelako eskaintza be badaukagu: manikura, pedikura, eta abar.
Zelako ordutegia daukazue?
Ordutegi zabala dugu. Astelehenetik barikura 09:00etatik 20:30ak arte egoten gara; zapatuetan 08:00etatik 15:00etara. Bezeroen beharrei egokitzen den ordutegia daukagula esan genezake.
Zer edo zer azpimarratu nahi duzu?
Ni zortekoa izan naizela uste dut. Markinan oso ondo hartu nau jendeak eta ez dakit nola eskertu hori. Benetan, markinarrei zein gainerakoei, eskerrik asko ematen diet.
Lea-Artibai eta Mutrikuko albisteak euskaraz, libre eta kalitatez jaso nahi dituzu? Horretarako zure babesa ezinbestekoa dugu. Egin zaitez HITZAkide! Zure ekarpenari esker, euskaratik eginda dagoen tokiko informazio profesionala garatzen eta indartzen lagunduko duzu.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.
Ezagutu HITZAkide izatearen abantailak eta aukeratu HITZAkide izateko gustuko modalitatea.
Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.