MRK Gaua egingo da zapatuan Mutrikuko Gaztetxean, kutsu solidarioarekin
Abendurock egitarauaren barruan, barikuan eta zapatuan kontzertuak egongo dira Mutrikun. Zapatuan egingo den MRK Gauak aldiz, kutsu berezia edukiko du: jasotzen den dirua Eibarko Bizima plataformari emango dio Mutriku Rock Kolektiboak.
Barikuan, gaztetxean, Andrakan taldeak kontzertua eskainiko …
Abendurock egitarauaren barruan, barikuan eta zapatuan kontzertuak egongo dira Mutrikun. Zapatuan egingo den MRK Gauak aldiz, kutsu berezia edukiko du: jasotzen den dirua Eibarko Bizima plataformari emango dio Mutriku Rock Kolektiboak.
Barikuan, gaztetxean, Andrakan taldeak kontzertua eskainiko du, 23:00etan.
Zapatuan, aldiz, MRK Gaua egingo da, gaztetxean baita ere. Eta aurten, MRK Gauak berezitasun bat edukiko du. Izan ere, kontzertua ikusteko sarrera edo borondatea eskatuko zaie herritarrei eta jasotzen den diru guztia Bizima plataformari emango dio elkarteak. «Plataforma horrek okerrera egiten duten gaixotasuna duten haurrei laguntza ematen die», azaldu dute MRK-ko kideek.
Zozketa eta taldeak
Sarrerarekin batera, zenbaki bat emango zaie herritarrei eta gau osoan zehar herriko musika talde desberdinek egindako ekarpenak zozketatuko dira. «CDak, kamisetak,…».
Guztira sei taldek parte hartuko dute emanaldian: Trujas & Stool, Soul Rufina, Andonio Bas Al Goiti, Blues Vapor-Up, DJ Stone eta Azken momentuko balientiak.
Horrela bada, gaur eta bihar, eskaintza musikala zabala izango da Mutrikun, MRK taldeari esker, beste behin be.
Abendurock ekimena hilaren 28an amaituko da, Muturbeltz taldeak Zubiaram tabernan eskainiko duen emanaldiarekin.
