Bertsoz jantziko dute asteburua bertsolariek
Bertsoz beteta dator asteburua Markina-Xemein eta Ondarroara. Bertsozaleek ez dute aitzaikiarik edukiko.
Zapatuan, errege bezperako bertso-triki poteoa egingo da Markina-Xemeinen. Xabat Galletebeitia lekeitiarra, Oskar Alberdi zestoarra eta Aitzol Barandiaran ataundarra ariko dira tabernaz-taberna. Trikitixak lagunduko du giroa alaitzen.
Urteak daroaz Markina-Xemeingo Bertso eskolak bertso-triki poteoa antolatzen, «17 urte edo». Hasieran «Amaiur Kultur Elkarteagaz hasi zinen antolatzen», azaldu dute bertso eskolakoek. «Gero, gazte egunagaz batera be egiten zen», diote. «Baina, hori bai, beti urtarrilean», azaldu dute. Azkenengo urteetan beti errege bezperan egin izan da.
Jende asko joaten da Markina-Xemeinen bertso-triki poteora. «Urtetik urtera gehiago», azaldu dute bertso eskolakoek.
19:30ean hasiko da poteoa Sakrisen eta tabernarik taberna ibiliko dira bertaratzen diren bertsozaleak.
Bestetik, domekan Ondarroan edukiko dute bertsozaleek zita errege eguneko bertso saioagaz. Urtero jendez gainezka egoten da antzokia.
Aurten be kartel ederra prestatu dute punta-puntako bertsolariekin. Hurrengoak izango dira eszenatokira igoko direnak: Miren Amuriza, Maialen Lujanbio, Jon Maia eta Arkaitz Estiballes.
Saioa 12:30ean hasiko da Kafe Antzokian. Sarrera dohain izango da.
Bestetik, domekan Ondarroan edukiko dute bertsozaleek zita errege eguneko bertso saioagaz. Urtero jendez gainezka egoten da antzokia.
Aurten be kartel ederra prestatu dute punta-puntako bertsolariekin. Hurrengoak izango dira eszenatokira igoko direnak: Miren Amuriza, Maialen Lujanbio, Jon Maia eta Arkaitz Estiballes.
Saioa 12:30ean hasiko da Kafe Antzokian. Sarrera dohain izango da. 
