Ikasturte bukaerako emanaldia eskainiko du gaur Ondarroako Jazz Dantza Taldeak.
Aitziber Arrasateren gidaritzapean, adin tarte ezberdineko dantzariak batuko dira gaur Ondarroako Zaldupe kiroldegiko kantxan. Abestiak be denetarikoak izango dira. Beraz, ikuskizunak erritmo ezberdina edukiko du. Ordu beteko iraupenagaz, gutxi gorabehera, saioa entretenigarria izango da.
Emanaldia 19:30ean hasiko da.
Sarrerak salgai daude aurretiaz, herriko hainbat tokitan. Kiroldegian be salduko dira, momentuan.