II. Marabilli sormen festibalak "jauzi kualitatiboa" eman duelako "pozik" daude antolatzaileak

http://www.youtube.com/watch?v=H56HDsg3hbE Sormenak sormena ekarri du asteburuan Ondarroara. II. Marabilli festibalak jendetza batu du ekitaldiz ekitaldi, kalean zein espazio itxietan. Iazkoa hunkigarria izan bazen, aurten, jaialdiak aurrerapauso bat eman duela iritzi dio antolakuntza taldeak. "Kalitatea asko hazi da, kanpoko jende gehiago etorri da", esan dute, pozik. Eta horrelakoa izan da jaialdia bera ere, "pozgarria eta magikoa".

Larraitz Ibaibarriaga Etxaburu

Ondarroa

2013/10/14

Sormenak sormena ekarri du asteburuan Ondarroara. II. Marabilli festibalak jendetza batu du ekitaldiz ekitaldi, kalean zein espazio itxietan. Iazkoa hunkigarria izan bazen, aurten, jaialdiak aurrerapauso bat eman duela iritzi dio antolakuntza taldeak. “Kalitatea asko hazi da, kanpoko jende gehiago etorri da”, esan dute, pozik. Eta horrelakoa izan da jaialdia bera ere, “pozgarria eta magikoa”.

Taquikardia fanfarriak egunez eta goizez ipini du giroa

Ekitaldiak, orokorrean, jendetsuak izan dira. Ramon Chaoren hitzaldian 100 lagun batu ziren; eta Fernando Leon de Aranoak zinemaren gaineko ikasgaia eman zuen. Portuko Ranpan egin diren saioetan ere jende asko ibili da. Edozelan ere, Kiko Venenoren kontzertuak eta Jainko txiki eta jostalari hura-ren estreinaldiak erakarri du jende gehien. Parte hartzaileak ez eze, gonbidatuak ere pozik agertu dira festibalera etorri izanagatik.

Herriko artistek Aitzol Aramaioren irudi bat margotu zuten

Ramon Chao bere hitzaldia eman eta joatekoa bazen ere, azkanean, asteburu guztia geratu da Ondarroan, Marabilli festibalaz gozatzen

“Mezuak bidaltzen ari dira, sekula egon diren festibalik bereziena dela esanaz. Ondarroa oso herri berezia iruditu zaie. Horrelako festibalik ez dagoela diote”, esan du Kirmen Uribe idazle eta antolatzaileak. Gustura egon diren seinale, artista batek baino gehiagok ez du nahi izan kobratu. Pasadizo modura, Ramon Chao bere hitzaldia eman eta joatekoa bazen ere, azkanean, asteburu guztia geratu da Ondarroan, Marabilli festibalaz gozatzen. Argazki galeria [nggallery ID=86]