Debegesa garapen agentziak frankiziei buruzko tailerra emango du azaroaren 20an
Debabarreneko ekintzaileei edota frankizian ekiteko gogoa duten guztiei dago zuzenduta, eskualdean ekintzailetza sustatzeko martxan dituen egitasmoen baitan. Tailerra doakoa izango da, eta hilaren 20an egingo da, Debegesan, 15:00etatik 17:00etara.
Zergatik aukeratu frankizia eredua? izenburupean, tailerrak frankiziaren eredua zer nolakoa den azaltzeko balioko du. Gainera, frankizia sare batean sartzeko kontuan hartu beharreko irizpideak zeintzuk diren erakutsiko du, eta, azkenik, sisteman sarturik dauden agenteak zuzenean ezagutzeko aukera emango du, hala nola, kontsultariak, frankizia eskaintzen dutenak eta frankizia hartzaileak.
‘Debabarrena Ekinean’
Gonzalo Linage Inverpoint Consulting enpresako bazkide kontsultaria izango da hizlaria. Parte hartzeko interesa dutenek izena eman behar dute ekintzaile@debegesa.com helbidera idatzita edo 943-82 01 10 zenbakira deituta.
Ekimen hori Debabarrena Ekinean prestakuntza programaren barruan sartzen da. Debegesak hainbat jardunaldi egingo ditu.
TAILERRAK
Azaroak 19. Kostu eta errentagarritasunen kudeaketa. Ekintzaileei eta enpresa kudeatzaileei zuzenduta. 16:00etatik 18:30era, Debegesaren goitzan.
Azaroak 20. Zergatik aukeratu frankizia eredua?, 15:00etatik 17:00etara, Debegesan.
Azaroak 27. Enpresa txikientzako finantza eta ekonomia kontrolerako ikastaroa.
Abenduak 2, 4, 9, 11, 16 eta 18. Eibar ekinean. Negozio ideien sormena eta enpresa berriak sortzeko pausoak, 09:30etik 13:30era, Eibarko Portalean.
Abenduak 11. Salmenta teknikak.
Abenduak 18. Eztabaida irekia. Gaia: Ekintzaileen Legea.
Debegesaren egoitza
