'Karst' ikus-entzunezkoaren aurkezpena eta hitzaldia izango dira bihar, Debako kultur elkartean

19:30ean hasiko da emanaldia. Karst, Geoparkearen altxor ezkutuak izenburupean, Arantza Aranburu EHUko irakasleak, Geoparkeko haitzuloetan egiten ari diren ikerketen gaineko hitzaldi dibulgatiboa eskainiko du.

karst_olatz_h300

Olatzko karsta

Horren aurretik, Alberto Gorritibereak zuzendutako Karst ikus-entzunezkoa aurkeztuko da, zine zuzendaria bera bertan egongo delarik. Ikus-entzunezkoak hamahiru minutuko iraupena du, eta lehendabiziko aldiz erakutsiko da Deban. Geoparkeko Karstaren unibertsoa landu du Gorritibereak lan horretan, ikus-entzunezko iradokitzailea eginez, Geoparkearen barrualdeko munduaren konplexutasuna erakusten duten ñabardura txikiz betea. Zine zuzendaria bera bertan egongo da azalpenak emateko.