Ondo pasatu eta gazteek beraien aisialdiaren inguruan dauzkaten ideiak eta ekarpenak jasotzeko helburua izango dute ekintzek, Lekeitioko gazte gunean, 20:00etan hasita.
Eztabaida bategaz hasiko dira jarduerak. Biharko eztabaidan bereziki orain arte bildutako gazteen iritzi guztien ondorioak aterako dituzte. Izan ere, ikastolako eta Iturriotzeko zein gazte guneko erabiltzaileekin eztabaida ugari egon dira orain arte.
Haren ostean, 21:30ean, afaritan batuko dira, eta afalostean, film bat ikusiko dute.
Pal-palian proiektua 12 eta 18 urte bitarteko herriko haur eta gazteen beharrizanen inguruko hausnarketa bat ari da egiten.
