Enpresa, hezkuntza, eta kirol arloko pertsonalitateak Markina-Xemeingo Lea Artibai Ikastetxeak antolatutako 'Ilusio Ponpak' jardunaldian
Carlos Andreu
Lea Artibai Ikastetxeak, Markina-Xemeingo goi mailako ikasketa zentroak, Ilusio Ponpak jardunaldia antolatu du hirugarrenez hezkuntza berritzailea eta enpresa eta hezkuntza zentroen arteko kolaborazioa sustatzeko asmoz. Bihar, urtarrilak 16 ospatuko da jardunaldia Lea Artibai Ikastetxeko Esperantza aretoan.
Enpresa, hezkuntza eta kirol munduko profesionalek hartuko dute parte jardunaldian. Horrela, Antonio Fernandez Alvarezek Renault Consultingeko zuzendariak hasiko du jardunaldia. Ondoren, ibilgailuen industrian erreferentea den Maier kooperatibako Pertsonen Departamentuko Aurkene Gabiola arituko da hizketan antolakuntza ereduen garapen estrategikoaren inguruan. Jarraian, mendigoizale eta telebistako protagonista den Alex Txikon gainditzearen garrantziaz eta erronka berriei aurre egitearen beharraz hitz egingo du, eta azkenik motibazioan eta garapen pertsonaleko entrenatzailea den Carlos Andreu mintzatuko da. Baikortasunaren eta ilusioaren inguruan hitz egingo du Baikortasuna eta ilusioa izenpean.
