Eskola garraioko begiraleen greba mugagabeak Lekeition eragin du
Lea-Artibain eta Mutrikun Lekeitioko eskola publikoko begiraleak dira greba mugagabea hasi dutenak, ELAk, LABek, CCOOk eta UGTk deituta. Hortaz, begiraleak greban daudenez, ikastetxera joateko garraiorik ez dute Lekeition. Ondarroan, Markina-Xemeinen, Amoroton, Ispasterren, Berriatuan eta Etxebarrin begiraleek ez dute grebagaz bat egin. Gainerako eskoletan, taxi zerbitzua daukate eta begiralerik badute, ez daude greban. LAB sindikatuak jakinarazi duenez, hitzarmena negoziatzen ari dira baina negoziazioek ez dute aurrera egiten, “urtebete daramagu hitzarmena negoziatzen, baina ez dugu ezer aurreratzen”. Eskola garraioko begiraleen lan baldintzak hobetu gura dituzte. “Soldatak izoztuta dituzte 2009. urteaz geroztik”, eta hitzarmen barria sinatu arte borrokatuko direla esan du LABek.
Azkeneko bi asteetan bost greba egun izan dituzte ikastetxe publikoetan neska-mutikoak autobusean eta jolastokian zaintzen aritzen diren begiraleek. Araban, Bizkaian eta gipuzkoan 500 bat begirale dira greba mugagabean –LAB sindikatuaren datuen arabera–, eta 25.000 ikasle ingururi eragiten die grebak.
Azkeneko bi asteetan bost greba egun izan dituzte ikastetxe publikoetan neska-mutikoak autobusean eta jolastokian zaintzen aritzen diren begiraleek. Araban, Bizkaian eta gipuzkoan 500 bat begirale dira greba mugagabean –LAB sindikatuaren datuen arabera–, eta 25.000 ikasle ingururi eragiten die grebak.
Iruditzen zaigu eskatzen ari garena ez dela munduko beste ezer: 2008-2009ko ikasturtetik blokeatuta dagoen lan hitzarmenaren negoziazioa”Aurreko asteko greba egunen balantze ona egin du ELAko ordezkari Lucia Puertasek: “Gero eta begirale gehiagok egin dute bat grebarekin, eta balorazioa oso positiboa da”. Sektoreko lau sindikatuek egin dute bat grebarekin: ELAk (ordezkarien %44,4 ditu), LABek (%24,4), CCOOk (%20) eta UGTk (%11,1). Sektoreko langileen %99 emakumezkoak dira. “Iruditzen zaigu eskatzen ari garena ez dela munduko beste ezer: 2008-2009ko ikasturtetik blokeatuta dagoen lan hitzarmenaren negoziazioa”, azaldu du Puertasek. Ordutik langileek soldata izoztuta daukate, eta orduko soldatatik hona %6 inguruko igoera eskatzen dute sindikatuek. Halaber, lan hitzarmena “gotortzeko” eskatzen dute, Espainiako lan erreformaren aurrean. Negoziatzeko eskatu du Jaurlaritzak Eusko Jaurlaritzak, bere aldetik, eseritzeko eta negoziatzeko deia egin zien barikuan alde biei. Administrazioak dioenez, akordiren batera heldu behar lukete, “ahalbait arinen”. Era berean, esan du gatazka konpontzea ahalbidetuko duten bideen bila jarraituko duela, “nahiz eta hori langileen ordezkarien eta enpresen arteko borondateak besterik ez duen lortuko”.
