Gure Esku Dago, Erabakitzeko eskubidearen alde Euskal Herrian lan egingo duen dinamikaren barri emon dute Lekeition Ibon Arbuluk eta Xabier Goirigolzarrik. “Jendartean dagoen beharrari abagunea eman, eta honen zilegitasuna bultzatu nahi du dinamikak, erabakitzeko eskubidea gauzatuz.
Herritarrak abian jarri nahi dira eta atxikimendu pertsonalak metatu eta antolauz aurrera egingo da. Eta honela, gehiengo sozial, sindikal, politiko eta instituzionalak landuko dira, erabakitzeko eskubidearen norabidean”, azaldu zuten kultur etxean egindako aurkezpenean.
Dinamika aurrera eramateko, batzordeak sortu dira hainbat herritan, eta Lekeition ere sortzeko aukera dagoen galdetu zuten. “
Herritarren artean sortu beharreko dinamika da, eta
sentsibilitate guztien topagune izan behar du”.
Dinamika aurrera eroaten hasteko lehen batzarra otsailaren 6an egingo da, 19:00etan, Kultur Etxean. Herritar guztiei zabalik dago deialdia.
