Etxebarrian ere osatu da
Gure Esku Dago dinamikari babesa emango dion taldea. Izaera, pentsaera, adin eta arlo guztietako etxebarritarrak dute lekua bertan. Momentuz hamabi dira, baina gero eta gehiago izatea dute helburu. Dinamikaren nondik-norakoak, oinarriak eta aurrera begira antolatuko dituzten ekitaldiak aurkeztuko dituzte bihar,
barikua, 20:00etan, kultur aretoan.
Erabakitzeko eskubidea aldarrikapen politikoen aurreko printzipio eta eskubide demokratikoa dela iritzita alkartu dira herritarrak, Etxebarritik ere dinamikari bere aletxoa emateko asmoz. Orain dela gutxi hasi dira batzen, eta apirilaren 11tik aurrera, barikuero, 18:00etatik 20:00etara metroak eta kamisetak saltzen asteko asmoa dutela aurreratu dute.
Maiatzera begira ere, ekimen bat antolatzen dabiltza, eta ekainaren 8a bitartean gehiago ere egongo direla aurreikusten dute.
