Mikel Lertxundi artistak erakusketa inauguratuko du bihar, Donostian
Artista berriatuarrak Perspektiba eta eskala izeneko erakusketa inauguratuko du bihar (barikua), 19:30ean, Donostiako Kur arte galerian.
Erakusketa ekainaren 20ra arte egongo da ikusgai eta bertan eskulturak eta marrazkiak jarri ditu ikusgai eskultore berriatuarrak. «Neurtzen duguna ikusten dugu eta ikusten duguna neurtzen. Dena da perspektiba eta eskala kontua. Eta emozioena. Egon daiteke hurbil edota urrun, elkartuta edota bananduta, beteta edota hutsik… Dena dago espazioaren, materiaren, denboraren eta gure begiradaren menpe».
Galeria Kursaalaren aurrean (Zurriola pasealekua, 6) dago eta herritarrei bertara joateko gonbitea luzatu nahi izan die Lertxundik. Arte galeriaren webgunean ere berriatuarraren lan batzuk ikusgai jarri dituzte (www.kurgallery.com).
Webgunea, berrituta
Baina erakusketa inauguratzeaz gain, Lertxundik bestelako jauzi bat ere eman du. Izan ere, web orrialdea berritu du (www.lertxundi.eu). Horretan, besteak beste, bere bibliografia, orain arte bakarka zein taldeka egindako obren inguruko informazioa eta azalpenak, eta artistak proposatutako lotura interesgarriak daude jasota.
Galeria Kursaalaren aurrean (Zurriola pasealekua, 6) dago eta herritarrei bertara joateko gonbitea luzatu nahi izan die Lertxundik. Arte galeriaren webgunean ere berriatuarraren lan batzuk ikusgai jarri dituzte (www.kurgallery.com).
Webgunea, berrituta
Baina erakusketa inauguratzeaz gain, Lertxundik bestelako jauzi bat ere eman du. Izan ere, web orrialdea berritu du (www.lertxundi.eu). Horretan, besteak beste, bere bibliografia, orain arte bakarka zein taldeka egindako obren inguruko informazioa eta azalpenak, eta artistak proposatutako lotura interesgarriak daude jasota.
Webgunean denetariko informazioa jaso du eskultore berriatuarrak; orain arteko lanak, bakarkakoak zein taldekakoak, eta horien azalpenak agertzen dira bertanLanak eurak ere ikusgai daude: eskulturak, marrazkiak eta naturan egindako interbentzioak. Eta hori gutxi balitz, 2006. urtetik 2011ra arte batean eta bestean egindako erakusketak atal berezi baten bistaratu ditu. Horretan, Bilboko Juan Manuel Lumbreras (2011), Madrilgo Luis Burgos (2011), Gueñesko Arenatzarte (2009), Donostiako Kur (2007) galerietan eta Ziortza-Bolibarko kolejiatan (2006) egindako erakusketak jaso ditu. Berea oso lengoaia eskultoriko berezia dela dio artistak. Paperean, materialetan edota bestelako edozein euskarritan, bere lengoaia «argia eta zuzena» dela deritzo. «Hitz egiten duen lengoaia da, baina batez ere, hitz egiten uzten duena». Filosofia Harria, burdina eta egurra oinarritzat hartuz, noizbehinka espazioko elementuekin (ura, airea eta sua) uztartzen ditu obrak. Eta horregatik, bere lanak «ezagutzeko errazak» direla diote adituek. Bere ofizioa oso goiz egindako aukera dela dio. Naturaren eta artearen aurrean jarrita, bietatik ez dakiela zein aurkitu zuen lehenago dio. Izan ere, natura begiratu eta harekin elkarrizketatzea da bere jarraibidea. Horretaz guztiaz gain, denbora laburrean gizarteko balio aldaketa handienak ezagutu dituen belaunaldiko parte ere badela diote. Kontinente ezberdinetan ibiltzeak obra eta egilearen printzipioak sendotzen dituela dio. Eta ibilitako bide osoak zubi izatera daramala ikusten du: gizakiaren eta naturaren arteko konexioa eta berrelkarketa bideratuko duen zubi izatera. Oro har, ospe handiko eskultorea izateaz gain, urteetan hazten doan gertuko eskultorea da Lertxundi.
