Milloiko elkarteak irabazi du sangregorioetako I. Pintxo Lehiaketa
https://www.youtube.com/watch?v=7u82dKTmrYU Urtero moduan, Nekazal eta Arrain Kontserba Azokak Berriatuko plaza jendez bete-bete egin du. Eta hori gutxi balitz, aurten, Berriatuko elkarteek pintxo lehiaketa egin dute. Lehenengo lehiaketa izan da eta elkarteek egindako pintxoak dastatzeko irrikaz egon dira herritarrak. Hala, pintxoak emateko gunean jendetza zen nagusi. Pintxo dastaketa 12:30ean hasi da eta 14:00etan bateko eta besteko herritarrak oraindik gose ziren.
Urtero moduan, Nekazal eta Arrain Kontserba Azokak Berriatuko plaza jendez bete-bete egin zuen zapatuan. Eta hori gutxi balitz, aurten, Berriatuko elkarteek pintxo lehiaketa egin dute. 1.200 pintxo baino gehiago saldu zituzten zapatuan Berriatuan. Azoka Eguna aurreko urteetan ere jendetsua izan ohi bada ere, aurten, are gehiago. Izan ere, I. Pintxo Lehiaketak jendetza batu zuen. «Orain arte kanpotik ekarritako sukaldari batek egiten zituen pintxoak eta 700 inguru saltzen genituen. Aurten, ostera, marka guztiak hautsi ditugu», azaldu dute herritarrek.
Tarine musika eskolako Trikipand taldeak ere giroa jarri zuen. Pandero eta trikiti soinuekin, azoka giro onean egin zen. Eta datozen egunetan sangregorioek aurrera jarraituko dute.
Argazki galeria [nggallery ID=147]
Hona hemen egitaraua: EGIN KLIK EGITARAUA IKUSTEKO
