Orain arte Artibai Futbol Taldeko lehendakari izan diren guztiei, egin duten lana eskertzeko, omenaldi txiki bat egin die Artiabai Futbol Taldeak gaur arratsaldean egindako ekitaldian. Horretaz gainera, Fermin Barruetabeña ohorezko bazkide izendatu dute. Fermin Barruetabeña Artibai Futbol Taldeko lehenengo bazkidea da, hau da, 1 zenbakia duena, eta futbol maitale handia izanik, hainbat urtetan Artibai Futbol taldearen alde egin duen lana eskertu nahi izan diote.
Artibai Futbol Taldeko lehendakari guztiak eta Fermin Barruetabeña Barroetako zelaira atera dira eta bertan oroigarri bat eta Artibai Futbol Taldearen bufanda berria jaso dituzte Artibai Futbol Taldeko arduradunen eta Markina-Xemeingo Udaleko Kirol zinegotziaren eskutik.
Omenaldiagaz amaitzeko futbol partidua jokatu da Artibai FT-ko nagusien eta Athletic taldeko gazteen artean.
