Inhar Urruzunok irabazi du Bizkaiko harrijasotzaile txapelketa
https://www.youtube.com/watch?v=hRHfzZMdJGA Inhar Urruzuno ondarrutar harrijasotzaileak bigarrenez jantzi du Bizkaiko harrijasotzaile onenaren txapela. Zelailuze, Urpe eta Magunazelaia gogor saiatu dira, baina ez dute iazko txapeldunaren marka hobetzerik izan. Horrela ba, Urruzuno beste hiru harrijasotzaileen gainetik geratu da 74 jasoaldigaz (iaz baino, bost gehiago).
Inhar Urruzuno 100 kiloko bolagaz
Inhar Urruzuno 113 kiloko harri kubikoagaz
Goian-ezkerrean Urdax Magunazelaia eta eskuman, Urpe. Behean-erdian, Inhar Urruzuno, Bizkaiko txapelduna, eta eskuman, Zelailuze.
Sariak jaso ostean pozik agertu dira lau harrijasotzaileak euren oroigarriekin. Inhar Urruzuno ondarrutarra zoriondo dutenak ere asko izan dira. Urruzuno oso gustura agertu da ondarroako frontoian jaso dituen animoekin. “Harri jasotzen kontzentratua banengoen ere, herritarrek animoak ondo entzuten ziren, eskerrik asko denei”, nabarmendu du. 100 kiloko harri bolagaz azkar eta konfiantza askoagaz ikusi da Urruzuno. “Aurreko biekin, nahita, ez naiz %100ean aritu. Indarrak azken harrirako gordetzen egon naiz eta. Harri bolarekin oso gustura ibili naiz. Azken finean, aurreko harri biek baino 13 kilo gutxiago ditu, eta hori ere, igarri egiten da. Azkeneko harria izanda, gainera, gehiago nabaritzen da alde hori”, gaineratu du. Bere burua ondo ikusi du bigarren bidar irabazi duen txapelketan. Aurreko urteko marka, gainera, hobetzea ere lortu du Ondarroako harrijasotzaile gazteak. “Iazko Bizkaiko txapelketan denetara 69 jasoaldi egin nituen, eta aurten marka bost jasoalditan hobetzea ere lortu dut. Gustura nago”.
Barikuan Leioan egingo den beste txapelketa baten ariko da Inhar Urruzuno harrijasotzailea. Gaur indarrak hartu eta barikurako prestaketa lanak egiten hasiko da hurrengo egunotan.
Argazki galeria [nggallery ID=165]
