Egitarau berezia prestatu du Markina-Xemeingo Uhagon kulturguneak udarako

2014/07/01

Argazkia: KAP produkzioak

Uztailarekin batera, udako egitaraua jarriko du abian Uhagon kulturguneak. Uztaileko asteburu guztietarako eta abuztuko lehen eta azken zapatuetarako aisialdi aukera zabala prestatu dute. Barikuan hasiko da egitaraua La Jodedera talde kubatarraren erritmoekin. Aurten, musika izango da batez ere protagonista, estilo guztietakoa, gainera. Hala, La Jodederaren musika kubatarra, Toro y la niña del frenesiren rock eta soul doinuak, Makala Jazz Funka Band taldearen jazz eta rhythm’blues doinuak eta La Bossa Nostra Gasteizko hirukoaren bossa nova musika entzun ahalko dira uda sasoiko gau eta iluntzeetan. Emanaldi gehienak Uhagoneko terrazan izango badira ere, herriko beste gune batzuetara ere zabalduko dute programazioa, kontzekupera, Arkupe aurrera, bai eta Mertzedeko eliza edo Xemeingo plazara ere. Azken urteetan, harrera bikaina izan duten Xemeingo gaua eta Emeki Koralaren kontzertuak ere ez dira oraingoan ere faltako. Horretaz gainera, kale antzerkia, dantza emanaldia eta zine kontzertua ere izango dituzte aukeran Markina-Xemein zein inguruetako kulturzaleek. Omenaldia eta bideoa Uhagon Kulturguneak antolatu ez badu ere, Uhagonen egongo da zapatuan, Raimundo Noiaren omenezko kontzertua. Hiru taldek joko dute kulturgunean, 20:00etatik aurrera: Reverend’s bastards-ek, Arrakalak eta Osti Oi!-k. Bestalde, uztailaren 11n, Gure Esku Dagok ekainaren 8ko gizakateko irudiekin osatutako bideoa emango dute, 22:00etan, kulturguneko terrazan. Gure Esku Dago lantaldeak antolatu du emanaldia. Udako egitaraua

Egitarau berezia prestatu du Markina-Xemeingo Uhagon kulturguneak udarako

Bizkaia

Bizkaiko umeek eta nerabeek euren iritzia kontuan hartzeko eskatu dute

Europako pintzelek irudikatutako Amerika bildu du Bilboko Arte Ederren Museoak

Bilbon gizon homosexualak hiltzen zituen gizona hirugarren aldiz zigortu dute hilketagatik

Manifestaziora deitu dute Erandioko Los Ochos eraikinetako bizilagunak etxegabetu nahi dituztela salatzeko

Andre eskulangileek erakusleiho bat izango dute bihar Diman

Bidesariaren aurkako plataformak AP-68agatik ez ordaintzera deitu ditu gidariak

Santurtziko Udalak aitortu du udaltzainek ez dietela Ander S.T.-ren heriotza eragin zuen atxiloketari buruzko informazio osoa helarazi

Portugaleteko Gurdibide, munduko hiri mahastien taldean

Deslokalizazioaren eta desmemoriaren aurkako literatura

Gogora-k Urduñako espetxe frankistan hil ziren beste bost presoren gorpuzkiak identifikatu ditu

Aburtoren legatuari ez ezik, EH Bilduk agintean egiten duenari erreparatu dio EAJk Bilboko osoko bilkuran

Bizkaiko gasolindegien mahaian euskaraz negoziatzeari uko egitea egotzi die ELAk patronalari eta CCOOri

Santurtzin hildakoaren kontra taser pistola erabili zuten zoruan immobilizatuta zegoela

Zabalik da Durangoko Azokarako proposamenak bidaltzeko epea