ELAk aurkeztutako
udaltzaingoaren aurre-jubilazioaren inguruko mozioa onartu dute. ELAk, Euskal Udaltzaingoaren erretirorako baldintzak Ertzaintzak dauzkanarekiko ekiparatzea eskatzen du, erretiro adinaren erregulazioan aldaketa bat eginda. “Horretarako Erret Dekretu bat egin beharko litzateke euskal udaltzaingoari ere erretirorako adinean koefiziente murritzaile bat aplikatu ahal izateko”, zehaztu du ELAk.
Udalak onartutako
mozioan akordio hauek proposatzen dira:
- Markina-Xemeingo Udala, Gizarte Segurantzaren gaineko egungo legedia aldatzeko prozesua zabaltzearen alde azaltzen da, euskal udaltzainei aurre jubilatzeko koefiziente murriztaileak aplikatu ahal izateko, Ertzaintzak daukan baldintza berdinetan.
- Markina-Xemeingo Udalak Eusko Legebiltzarrari agindu ematen dio, era berean Espainiako Gobernua premiatzeko Gizarte Segurantza gaietako egungo legediaren aldaketa prozesua hasi dezan euskal udaltzainei aurre jubilatzeko koefiziente murriztaileak aplikatu ahal izateko, ertzaintzak daukan baldintza berdinetan.
- Markina-Xemeingo Udalak, Euskal Udalen elkarteei, EUDEL eta Udalbiltza, agindu ematen die ekintza honi babesa emateko eta ordua helduta berau aurrera eramateko datu eta dokumentuak eman ditzaten.
