The Associados taldeak kontzertua eskainiko du Saturraranen
Kontzertua 19:00etan hasiko da eta doan izango da. Taldea bost kidek osatzen dute eta horien artean daude urteak atzera Itoiz talde ospetsuko kideak izandakoak: Antton Fernandez eta German Ors.
1985. urtean Itoiz utzi eta gero, informatikari moduan hasi zen lanean Antton Fernandez. «Bateria beti gustatu izan zait. Deustuko Mr Jam akademian hasi nintzen ikasten eta 2008an eta 2009an rock bertsioak egiten zituen Fire! taldean parte hartzen hasi nintzen. Taldeko bi kide suhiltzaileak ziren eta hortik izena», azaldu du Fernandezek.
Gerora utzi bazuen ere, hirugarren diskoan German Ors sartu zen. «Germanek txikitatik ezagutzen du nire maisu zen Blas Fernandez eta Ors talde bat sortzekotan zebilenean, hark komentatu zion niri deitzeko. Hori duela urte bat izan zen».
Horrela ba, gutxinaka taldeari forma eman zioten. «Irailean Berangoko Grabasonic-en entsegatzen hasi ginen, Iñaki Benavente eta Ors (kitarrak), Alberto Barañano (ahotsa), Anton Basozabal (baxua) eta ni (bateria)».
Hasiera baten 70. hamarkadako abesti mitikoak jotzen hasi zirela dio Fernandezek. «Baina poliki-poliki, 80 eta 90. hamarkadetako abestiak prestatzen joan gara».
Orain, The Associados taldearen errepertorioan ondoko taldeen abestiak daude, besteak beste: REM, Collective Soul, Radiohead, Stereophonics, Stone Temple Pilots eta Pearl Jam.
«Alberto hard rock talde bateko abeslaria zen eta era horretako abestiak ondo etortzen zaizkio; niri gustatu egiten zaizkit».
Mutrikun, «pozik»
Taldearen izenari dagokionez, taldeko hiru kide (Barañano, Venavente eta Ors) abokatuak direnez, izena hortik sortu zela esan du Fernandezek.
Kontzertua Mutrikun izateagatik ere pozik daudela esan du Fernandezek. «Oso pozik nago herrian joko dugulako. Eta orain Saturrarango Kantinan joko badugu ere, hurrengoa herrian bertan izatea gustatuko litzaiguke; gu prest egongo gara».
Horrela ba, domekan bestelako iluntzearekin gozatzeko aukera edukiko dute herritarrek Mutrikuko Saturrarenen egongo den kontzertuarekin.
Gerora utzi bazuen ere, hirugarren diskoan German Ors sartu zen. «Germanek txikitatik ezagutzen du nire maisu zen Blas Fernandez eta Ors talde bat sortzekotan zebilenean, hark komentatu zion niri deitzeko. Hori duela urte bat izan zen».
Horrela ba, gutxinaka taldeari forma eman zioten. «Irailean Berangoko Grabasonic-en entsegatzen hasi ginen, Iñaki Benavente eta Ors (kitarrak), Alberto Barañano (ahotsa), Anton Basozabal (baxua) eta ni (bateria)».
Hasiera baten 70. hamarkadako abesti mitikoak jotzen hasi zirela dio Fernandezek. «Baina poliki-poliki, 80 eta 90. hamarkadetako abestiak prestatzen joan gara».
Orain, The Associados taldearen errepertorioan ondoko taldeen abestiak daude, besteak beste: REM, Collective Soul, Radiohead, Stereophonics, Stone Temple Pilots eta Pearl Jam.
«Alberto hard rock talde bateko abeslaria zen eta era horretako abestiak ondo etortzen zaizkio; niri gustatu egiten zaizkit».
Mutrikun, «pozik»
Taldearen izenari dagokionez, taldeko hiru kide (Barañano, Venavente eta Ors) abokatuak direnez, izena hortik sortu zela esan du Fernandezek.
Kontzertua Mutrikun izateagatik ere pozik daudela esan du Fernandezek. «Oso pozik nago herrian joko dugulako. Eta orain Saturrarango Kantinan joko badugu ere, hurrengoa herrian bertan izatea gustatuko litzaiguke; gu prest egongo gara».
Horrela ba, domekan bestelako iluntzearekin gozatzeko aukera edukiko dute herritarrek Mutrikuko Saturrarenen egongo den kontzertuarekin. 
