Azaroaren 25a aldarrikapen eguna bihurtu da Lea-Artibain eta Mutrikun ere

Asier Alkorta

Amoroto,Aulesti,Berriatua,Etxebarria,Gizaburuaga,Ispaster,Lekeitio,Markina-Xemein,Mendexa,Munitibar,Mutriku,Ondarroa,Ziortza-Bolibar

2014/11/25

Berriatuan, esaterako, eskolako ume, irakasle eta gurasoak batu dira eguerdian, udaletxe aurrean. Elkarretaratzea egiteaz batera, eskolako ume eta irakasleek naziorteko egunagaz lotutako abestia abestu dute.

Mutrikuko elkarretaratzea.

Mutrikun 18:00etan egin dute elkarretaratzea, Goiko Plazan (elizako eskaileretan). Guztira, gutxi gorabehera, 100 herritar inguru bildu dira. Bi pankarta egon dira, Mutrikuko Udalarena eta Mutrikuko Emakumeak Abixan taldearena. Mutrikuko Emakumeak Abixan taldeko kide batek, hurrengo egunetarako prestatu duten egitarauaren berri eman du udaletxeko bozgorailuetatik. Gauza guztien artean, eguenean [azaroak 27], 19:00etan, udaletxean aurkeztuko duten mozioa nabarmendu nahi izan dute EMAEko kideek.

Ondarroako elkarretaratzea.

Ondarroako ekitaldia.

Ondarroan 18:30ean egin dute elkarretaratzea. Horretan ere 100 lagun inguru batu dira, Alamedan. Andrabandako kideek danborrak jo dituzte eta hainbat umek Emakumeen Kontrako Indarkeriaren Nazioarteko Eguneko testua irakurri dute. Lekeition (Eskolapean) eta Markina-Xemeinen (Goiko Portalean) ere elkarretaratzeak egin dituzte.