Ibon Iparragirre preso politiko ondarrutarra beste preso batek jipoitu duela jakin eragin dute
Iparra Galdu Baik plataformak jakin eragin duenez, Iparragirre Alcala Mecon preso dagoen beste preso sozial batek jipoitu du gaur arratsaldean [azaroak 25].
Presoaren senideek HITZAri jakin eragin diotenez, zigarro bat izan da liskarraren iturria.
Orain ordubete inguru bere bikoteari deitu dio Iparragirrek. “Erizaindegitik deitu du Ibonek. Zigarro bat eskatu dio beste preso sozial batek, eta Ibonek bi zigarro zituenez, ezetz erantzun dio. Erantzun horren aurrean, besteak jo egin duela esan du Ibonek”, esan du Jon Kirru Iparragirre preso politikoaren anaiak.
Senideak orain gutxi jakin dute gertatutakoa. Zehatz esateko, ez dakite noiz gertatu den gertakaria ez eta Iparragirrek zer nolako zauriak dituen ere, “ezer gutxi esan digu”. Telefonoz deitzerakoan, preso politiko ondarrutarra oso urduri sumatu dute senideek.
Bihar zer edo zer gehiago jakiten saiatuko direla esan dute senideek.
