Aurrera Mendi Taldeak eta Ondarroako Udaleko kirol batzordeak
Ondarrutarrak Kalamendira: egunero baietz! erronka biziberrituko dute hurrengo egunotan. Hain zuzen ere, urte guztian jasotako argazkien inguruko erakusketa egitea erabaki dute Ondarroako udal erakusketa aretoan.
Hamabi taula handitan banatuta, 365 argazki ikusteko aukera egongo dela nabarmendu du Iñaki Beitia kirol batzordeko kideak. “Jaso ditugun argazki guztien artean aukeraketa egin behar izan dugu. Erakusketan urteak dituen hilabeteen beste taula ipini ditugu, eta taula bakoitzean hileak izan dituen egun bakoitzeko argazki bat. Hau da, otsailak 28 egun baditu, 28 argazki egongo dira ikusgai. Azken finean, urteko egun bakoitzeko argazki bat ikusi ahal izango da”.
Hilabete bakoitza irudikatzen duen taulez gain, kanpainaren inguruko datu orokorrak ikusteko aukera ematen duten beste bi taula daudela iragarri dute antolatzaileek. “Urte guztian batu dugun materiala beste bi tauletan ikusi ahal izango da. Kanpainaren inguruko informazio orokorra erakutsiko dute taulek: datuak, batazbestekoak…”.
Argazki eta datuez gain, urte guztian jaso diren 2.020 argazkiekin osaturiko bideo bat ere proiektatuko dela ere iragarri dute. “Kanpaina guztian 2.000 argazkitik gora jaso ditugu, eta denak erakusketan ipintzea ezinezkoa izango zen. Denekin bideo txiki bat prestatzea erabaki dugu. Hiru segunduero argazki bat proiektatuko da erakusketa aretoko horman”.
Kirol batzordeko zein Aurrera mendi taldeko kideek herritarrei erakusketa ikustera joatekoa gonbitea egin die. “Anima zaitezte. Bilatu tartetxo bat eta agertu erakusketa aretora. Ea modu honetan kanpainari amaiera polita ematen diogun”.
Erakusketa honako orduetan egongo da zabalik: eguena, barikua eta zapatua (18:30etik 20:30era) eta domeka (12:00etatik 14:00etara).
Aurrera Mendi Taldeak eta Ondarroako Udaleko kirol batzordeak Ondarrutarrak Kalamendira: egunero baietz! erronka biziberrituko dute hurrengo egunotan. Hain zuzen ere, urte guztian jasotako argazkien inguruko erakusketa egitea erabaki dute Ondarroako udal erakusketa aretoan.
Hamabi taula handitan banatuta, 365 argazki ikusteko aukera egongo dela nabarmendu du Iñaki Beitia kirol batzordeko kideak. “Jaso ditugun argazki guztien artean aukeraketa egin behar izan dugu. Erakusketan urteak dituen hilabeteen beste taula ipini ditugu, eta taula bakoitzean hileak izan dituen egun bakoitzeko argazki bat. Hau da, otsailak 28 egun baditu, 28 argazki egongo dira ikusgai. Azken finean, urteko egun bakoitzeko argazki bat ikusi ahal izango da”.
Hilabete bakoitza irudikatzen duen taulez gain, kanpainaren inguruko datu orokorrak ikusteko aukera ematen duten beste bi taula daudela iragarri dute antolatzaileek. “Urte guztian batu dugun materiala beste bi tauletan ikusi ahal izango da. Kanpainaren inguruko informazio orokorra erakutsiko dute taulek: datuak, batazbestekoak…”.
Argazki eta datuez gain, urte guztian jaso diren 2.020 argazkiekin osaturiko bideo bat ere proiektatuko dela ere iragarri dute. “Kanpaina guztian 2.000 argazkitik gora jaso ditugu, eta denak erakusketan ipintzea ezinezkoa izango zen. Denekin bideo txiki bat prestatzea erabaki dugu. Hiru segunduero argazki bat proiektatuko da erakusketa aretoko horman”.
Kirol batzordeko zein Aurrera mendi taldeko kideek herritarrei erakusketa ikustera joatekoa gonbitea egin die. “Anima zaitezte. Bilatu tartetxo bat eta agertu erakusketa aretora. Ea modu honetan kanpainari amaiera polita ematen diogun”.
Erakusketa honako orduetan egongo da zabalik: eguena, barikua eta zapatua (18:30etik 20:30era) eta domeka (12:00etatik 14:00etara). 
