Langileek ere erabakitzeko ahalmena behar luketela aldarrikatuko du LABek
Bi deialdi egin dituzte, Iruñean batzeko bata, eta Bilbon batzeko bestea. Inflexio eguna izango dela azaldu du LAB sindikatuko Aitziber Barandikak. Martxoaren 14an eskakizun zehatz bat egingo diete euskal erakundeei: hainbat sindikatuk eta gizarte eragilek adostutako eta onartutako gutun soziala aintzat har dezatela. “Momentu honetan erasoak alde guztietatik hartzen ditugu. Krisi egoera baretzen doala diote, bainaa langabezia tasak bere horretan darrai, langileak modu prekarioan ari dira lanean, eta pobrezian murgilduta daude”.
LABeko ordezkariak dioenez, politikak beste modu batera antolatzeko alternatibak badaude, eta hori berori eskatuko dute martxoaren 14an, Bilboko eta Iruñeko kaleetan. “Politikaren bitartez egoera horri buelta eman dakioke”. Horretarako, langileriak ere politiketan parte hrtu beharko lukeela dio Gutun Sozialak. “Langileak eta herritarrak hori aldarrikatzera goaz, eta instituzioei bestelako politikak egiteko eskatuko diegu. Hori, gainera, moddu alai eta koloretsuan egingo dugu”.
Debabarreneko LABek ere martxoaren 14ko deialdiagaz bat egiteko eskatu diete herritar eta langileei. Hala, enpresetara ere joko du, langileak informatzeko asmoz. Gainera, Ondarroatik eta Lekeitiotik Bilborako autobusak jarriko dituztela jakinarazi du LAB sindikatuak.
Autobuserako izena emateko zerrendak:
LAB sindikatuak Arrasaten egindako agerraldia.
- Ondarroan: Anaitasuna eta Kulixka tabernetan.
- Lekeition: Galarrena eta Arritxu tabernetan.
